އޮމަދޫގައި ކުނި މެނޭޖްކުރާ ސެންޓަރެއް އަޅުމަށް ސޮއިކޮށްފި

އދ. އޮމަދޫގައި ކުނި މެނޭޖް ކުރާ ސެންޓާއެއް އެޅުމަށް އޮމަދޫ ކައުންސިލް އާއެކު އެންވާރަމެންޓް މިނިސްޓްރީން އެއްބަސް ވުމެއްގައި ސޮއި ކޮށްފިއެވެ. މިއެއްބަސް ވުމުގައި ސޮއިކުރީ އެކަމަށްޓަކައި އެ މިނިސްޓްރީގައި ބޭއްވި ރަސްމިއަޔާތެއްގައެވެ. މިނިސްޓްރީގެ ފަރާތުން މި އެއްބަސް ވުމުގައި ސޮއިކުރެއްވީ ޑެޕިއުޓީ މިނިސްޓަރު މުހައްމަދު އަންސާރު އެވެ. އޮމަދޫ ކައުންސިލްގެ ފަރާތުން ސޮއި ކުރެއްވީ އެ ރަށުގެ ކައުންސިލްގެ ރައީސް އިބްރާހިމް އަދީލް އެވެ. މި މަޝްރޫއުއާއި ގުޅިގެން މިނިސްޓްރީން ބުނީ، އޮމަދޫ ކައުންސިލުން މި މަޝްރޫއު ބަލަހައްޓާނެ ކަމަށާއި، ތިމާވެށީގެ ހަރުކަށި މިންގަނޑުތަކަށް އަމަލުކުރާކަން ކަށަވަރުކޮށްދޭނެ ކަމަށެވެ. https://twitter.com/MoEnvmv/status/1661331747626450949 މި މަޝްރޫއުއަކީ ގްރޭޓަރ މާލޭ އެންވަޔަރަންމަންޓަލް އިމްޕްރޫވްމަންޓް އެންޑް ވޭސްޓް މެނޭޖްމަންޓް ޕްރޮޖެކްޓްގެ ބައެއް ކަމަށާއި، މި ކޮންޓްރެކްޓްގެ އަގަކީ 2.8 މިލިއަން ރުފިޔާގެ މަޝްރޫއެއްކަމަށް މިނިސްޓްރީން ވަނީ ބުނެފައެވެ.