ނޫސްވެރިކަމުގެ އިނާމަށް ނަން ހުށަހެޅުމުގެ ފުރުސަތު ހުޅުވާލައިފި

މޯލްޑިވްސް މީޑިއާ ކައުންސިލުން ދެމުން އަންނަ ނޫސްވެރިންގެ އިނާމަށް ނަން ހުށަހެޅުމުގެ ފުރުސަތު އެ ކައުންސިލުން ހުޅުވާލައިފިއެވެ. އެ ކައުންސިލުން ބުނި ގޮތުގައި ނޫސްވެރިންނަށް އިނާމް ދިނުމުގެ މަގުސަދު ތަކަކީ، ނޫސްވެރިންނަށް ހިއްވަރު ދިނުމާއި، އިންސާފުވެރިކަމާއި ހަމަހަމަކަމާއި އެކު ނޫސްވެރިންގެ މަސައްކަތްތައް ފާހަގަ ކުރުމެވެ. އެ ކައުންސިލުން ބުނީ، އެ އިނާމް ދިނުމަށް ކަނޑައަޅާފައިވަނީ، ނޫސްމަޖައްލާ ކެޓެގެރީ އަދި ބްރޯޑްކާސްޓިން ކެޓެގަރީގެ 12 ދާއިރާއަކަށް ކަމަށެވެ. އެ ދާއިރާ ތަކަކީ:

• ތަހުގީގީ ނޫސްވެރިކަން
• ދެމެހެއްޓެނިވި ތަރައްގީ އާއި އިޖްތިމާއީ ދާއިރާ
• ސިޔާސީ
• ޝަރުއީ އަދި ގާނޫނީ ދާއިރާ
• ވިޔަފާރިއާއި އިގްތިސާދު
• ކުޅިވަރު
• ޕޮޓޯ ޖާރނަލިޒަމް
• ވީޑިއޯ ޖާރނަލިޒަމް
• ގްރެފިކް އާއި އިލެސްޓްރޭޝަން
• ފީޗާރ
• އުންމީދީ ނޫސްވެރިޔާ
• އަހަރުގެ އެންމެ މޮޅު ނޫސްވެރިޔާ

އިނާމު ދިނުމަށް ހަމަޖެހިފަިވާ ދާއިރާ ތަކުގެ ޝަރުތުތަކުގެ ތަފްސީލް " މޯލްޑިވްސް މީޑިއާ ކައުންސިލުން ދޭ ނޫސް ވެރިކަމުގެ އިނާމު ދިނުމުގެ އުސޫލު" ގައި ހިމަނާފައި ވާނޭ ކަމަށް އެކައުންސިލުން ވަނީ ބުނެފައެވެ. އަދި އިނާމަށް ނަން ހުށަހަޅާ ފޯމާއި މާކްސް ތަށް ވެސް އެ އޫސުލުގައި ހިމަނާފައި ވާނޭ ކަމަށް ވެސް ކައުންސިލުން ވަނީ ބުނެފައެވެ.