މުސްކުޅިނަށް ދެމުން އަންނަ އެލެވެންސް 7000 ރުފިޔާ އަށް ބޮޑު ކުރާނަން: ގާސިމް

މުސްކުޅިންނަށް ދެމުން އަންނަ އެލެވެންސް 7000 ރުފިޔާ އަށް ބޮޑު ކުރާނެ ކަމަށް ޖުމުހޫރީ ޕާޓީގެ ރިޔާސީ ކެނޑިޑޭޓް، އަދި އެ ޕާޓީގެ ލީޑާރު އޮނަރަބަލް ގާސިމް އިބްރާހީމް ވިދާޅުވެއްޖެ އެވެ. ގާސިމް މިހެން ވިދާޅުވީ، ޖޭޕީގެ ރިޔާސީ ޓިކެޓް އެމަނިކުފާނަށް އެރުވުމަށް މިރޭ ކާނިވަލް ސަރަހައްދުގައި ކުރިއަށް ދާ ޖަލްސާ ގައި ވާހަކަ ފުޅު ދައްކަވަމުންނެވެ. ގާސިމް ވަނީ، އެމަނިކުފާނުގެ ސަރުކާރެއްގައި މުސްކުޅިންގެ އެލެވެންސް މިހާރަށް ވުރެ ބޮޑުކޮދޭން ވައުދުވެފައެވެ. ގާސިމް ވަނީ، އެމަނިކުފާނުގެ ރިޔާސީ ވައުދު ތަކުގައި ހިމެނޭ ބައެއް ކަންކަން ހިއްސާ ކުރައްވާފައެވެ. ނަމަވެސް ވަގުތު ކުޑަތަން ވުމުން އެ ކަންކަމުގެ ތަފްސީލަށް ގާސިމް ވަޑައިގެންފައެއް ނުވެއެވެ. މިރޭ ރިޔާސީ ޓިކެޓާއި ހަވާލުވެވަޑައިގެން، ގާސިމް ވަނީ ރިޔާސީ އިންތިހާބުގައި ބޭނުން ކުރާނެ ޝިއާރާއި އިންތިހާބުގައި ބޭނުން ކުރާނެ ލަވަ ވެސް އިފްތިތާހު ކޮށްދީފައެވެ. ގާސިމް ގެ ރިޔާސީ އިންތިހާބުގެ ޝިއާރަކީ "ހާސްކަނޑާލާ، ހަމަޖެހޭނެ" މި ޝިއާރެވެ.