ރާއްޖޭގެ ރައީސް ޑރ މުއިއްޒުގެ ދައުވަތަކަށް 25 ވަނަ ދުވަހު ހުންނަވާނީ ރާއްޖޭގައި ކަމަށް އިންޑިއަގެ ބޮޑުވަޒީރު ނަރިންދްރަ މޯދީ ވިދާޅުވެއްޖެ އެވެ.
މޯދީ ވިދަޅުވީ ރައީސުލްޖުމްހޫރިއްޔާ ޑޮކްޓަރ މުޙަންމަދު މުޢިއްޒުގެ ދަޢުވަތަކަށް، ޖުލައި މަހުގެ 25 ވަނަ ދުވަހު އެމަނިކުފާނު ވަޑައިގެން ހުންނަވާނީ ދިވެހިރާއްޖޭގައި ކަށާއި، ރާއްޖޭގެ މިނިވަންދުވަހުގެ އިހްތިފާލުތަކުގައި ބައިވެރިވާން އެމަނިކުފާނަށް ފުރުސަތު ލިބުމަކީ ލިބިލެއްވި ވަރަށްބޮޑު ފަޚްރެއްކަމަށެވެ.
ރައްޖޭގެ މިނިވަންކަމަށް 60 އަހަރު ފުރިގެންދާއިރު އިންޑިއާއި ރައްޖެއާ ދެމެދު އުފެދިފައިވާ ސިޔާސީ ގުޅުމަށްވެސް މިއަހަރު 60 އަހަރު ފުރިގެންދާއިރު އެމަނިކުފާނުގެ މި ދަތުރުފުޅުގެ ތެރެއިން ދެ ގައުމުގެ ދެމެދުގައި ބޭއްވޭ މަޝްވަރާތަކުން އެ ގުޅުން އިތުރަށް ބަދަހިވެގެންދާނެކަމަށް ޔަގީންކުރާ ކަމަށްވެސް މޯދީ ވިދާޅުވެފައިވެއެވެ.
އިންޑިއާއި އިންޑިއާގެ ބޮޑުވަޒިރާ ގުޅޭގޮތުން މި ސަރުކާރަށް ނިސްބަތްވާ ފަރަތްތަކުން ދައްކާފައިވާ ވާހަކަ ތަކާއި ގެންގުޅުއްވި ސިޔަސަތު މިހާރު ވަރަށް ބޮޑަށް ބަދަލުވެގެން ގޮސްފައިވާއިރު މޯދީގެ މި ދަތުރުގެ ސަބަބުން ރާއްޖޭގެ އާއި އިންޑިއައި ދެމެދު ކުރިން އުފެދިފައިވާ ނުތަނަވަސްކަން ވަރަށްބޮޑަށް ބަދަލުވެގެންދަނެ ކަމަށް ބެލެވެ އެވެ.
އަދި ރައީސް އޮފީހުންވެސް ވަނީ މޯދީގެ މި ދަތުރުފުޅުގެ ތެރެެއިން ދެ ގައުމުގެ ދެމެދުގައި އެކި ދާއިރާތަކުން އެއްބާރުލުން ދިނުމާއި އެހީތެރިކަން ފޯރުކޮށްދިނުމުގެ އެއްބަސްވުންތަކެއްގައި ސޮއިކުރުމަށް ހަމަޖެހިފައިވާކަމަށްވެސް ބުނެފައެވެ.
