އާ އަހަރުގެ ފެށުން ފާހަގަކުރެއްވުމާއެކު ރައީސް މުއިއްޒުގެ މުނާފިގް ކަން އިތުރަށް ފެނިގެންހިގައްޖެ ކަމަށް މަޝްހޫރު ދީނީ އިލްމްވެރިޔާ ޑރ އިޔާޒް ވިދާޅުވެއްޖެ އެވެ.
ސަރުކާރުން އާހަރު ފާހަގަކުރުމަށް ބޭއްވި ޑްރޯން ޝޯގައި ކޯޓް ތުރުކުރައްވައިގެން ހުންނަ އިންސާނެއްގެ ސޫރަ ދައްކުވައިދީފައިވާ ވީޑިއޯ އަމިއްލަ ފަރާތަކުން ސޯޝަލްމީޑިއާގައި ހިއްސާކޮށްފައިވާ ޕޯސްޓެއް ޝެއާ ކުރައްވައި ޑރ އިޔާޒް ވިދާޅުވެފައިވަނީ ދީނަށް ވަރަށް ލޯބި ކުރައްވާ ކަމަށް މީސްތަކުންނަށް ދެއްކިގެން ވެރިކަން ހޯއްދެވި ބޭފުޅަކު އާއަހަރު ފާހަގަކުރުންފަދަ މުންކަރާތްތައް ހިންގެވުމަކީ އެމަނިކްފާނުގެ މުނާފިޤުކަން އިތުރަށް ހާމަވާ ކަމެއް ކަމަށެވެ.
ދީނަށް ވަރަށް ލޯބި ކުރައްވާ ކަމަށް މީސްތަކުންނަށް ދެއްކިގެން ވެރިކަން ހޯއްދެވި ބޭފުޅަކު އާއަހަރު ފާހަގަކުރުންފަދަ މުންކަރާތްތައް ހިންގެވުމަކީ އެމަނިކްފާނުގެ މުނާފިޤުކަން އިތުރަށް ހާމަވާ ކަމެއް. މީގެ އިތުރުން މިފަދަކަންތަކަށް ކިހާ ފައިސާއެއްތޯ ބޭކާރު ކުރެވެނީ؟ 2026 ގައި ބޮޑު… https://t.co/VopLkjAUSS
— Dr.Mohamed Iyaz (@dr_iyaz) January 1, 2026
ރައީސް މުއިއްޒު ވެރިކަމަށް ވަޑައިގަތީ ދީނަށް ލޯބިކުރާ މީހެއްކަމަށް ރައްޔިތުންނަށް ދައްކުވައިގެން އޮޅުވާލައިގެން ކަމަށް ވިދާޅުވުމުގެ އިތުރުން އާއަހަރު ފާހަގަކުރުމަށް އެތަށް ފައިސާ އެއްވ ބޭކާރުކުރެއްވިއިރު 2026 ގައި ބޮޑު ދަރަންޔެއް ދައްކަންޖެހޭކަން ރައީސް މުއިއްޒު ހަނދާންނެތީތޯ ވެސް ޑރ އިޔާޒް ވަނީ ސުވާލުކުރައްވާފައެވެ.
