އެމްޓީޑީގެ ހުސްވެފައިވާ މަގާމްތަކަށް މެމްބަރުން ހޯދަން އިއުލާނު ކޮށްފި

މޯލްޑިވްސް ތާރޑް-ވޭ ޑިމޮކްރެޓްސް (އެމްޓީޑީ)ގެ ބައެއް ކައުންސިލް ގޮނޑިތަކާއި އަދި މަޖްލިސް އިންތިހާބީ ދާއިރާތަކުގެ ރައީސް ކަން ހުސްވެފައިވާ މަގާމްތަކަށް މެމްބަރުން ހޯދަން އިއުލާނު ކޮށްފިއެވެ. އެމްޓީޑީން މިރޭ ނެރުނު އިއުލާނުގައި ބުނެފައިވަނީ، އެ ޕާޓީގެ ބައެއް ކައުންސިލް ގޮނޑިތަކާއި އަދި މަޖްލިސް އިންތިހާބީ ދާއިރާތަކުގެ ރައީސް ކަމުގެ މަގާމުތަށް  ހުސްވެފައިވާ ކަމަށެވެ. ވީމާއެ މަގާމުތަކަށް ޝައުގުވެރިވާ ފަރާތް ތަކުން އިތުރު މައުލޫމާތު ހޯދުމަށާއި އެކަމަށް ޝައުގުވެރިކަން ފާޅުކުރުމަށް މިއަދުން ފެށިގެން އަންނަ މަހުގެ 10 ވަނަދުވަހުގެ ނިޔަލަށް އެމްޓީޑީ އޮފީހުގެ އީމެއިލް އަށް މެއިލްކުރުމަށް ނުވަތަ 7944789 އަށް ގުޅުމަށް އެމްޓީޑީން ވަނީ އެދިފައެވެ. https://twitter.com/MTDSecretariat/status/1660676322623131649 މީގެ އިތުރުން ކުރިއަށް އޮތްދުވަސް ތަކުގައި އަސާސީ ގަވާއިދާ އެއްގޮތަށް ޕާޓީގެ ހުސްވެފައިވާ މަގާމް ތަކަށް ޕާޓީގެ ކައުންސިލުން އިންތިހާބުކޮށް އައްޔަނުކުރުމަށް ގެންދާނެ ކަމަށްވެސް އެ އިއުލާނުގައި ބުނެފައި ވެއެވެ.