މާލޭ ކޯޓް ކޮމްޕެލެކްސް އިމާރާތްކުރަން މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އާއި ހަވާލުކޮށްފި އެވެ.
ހުޅާމޭލަގިއި ތަރައްގީކުރާ މޭލެ ކޯޓް ކޮމްޕްލެކްސް އިމރާތްކުރުމުގެ މަސައްކަތް އެމްޓީސީސީ އާއި ހަވާލުކުރުމުގެ އެއްބަސްވުމުގައި ހައުސިންގ މިނިސްޓްރީގެ ފަރާތުން ސޮއިކުރެއްވީ އެ މިނިސްޓްރީގެ ސޮއިކުރެއްވީ އެމިނިސްޓްރީގެ ސްޓޭޓް މިނިސްޓަރ ޔޫސުފް އަބްދުއްރައޫފް އެވެ.
އެމްޓީސީސީގެ ފަރާތުން އެ އެއްބަސްވުމުގައި ސޮއިކުރެއްވީ އެ ކުންފުނީގެ މެނޭޖިންގ ޑިރެކްޓަރ ޑެޕިއުޓީ ޕޮލިސް ކޮމިޝަނަރ ރިޓަޔަރޑް އަހްމަދު ސައުދީޫ އެވެ.
އެމްޓިސީސީ އިން ބުނީ މި މަޝްރޫއުގެ ދަށުން 29490 އަކަފޫޓުގެ ސަރަހައްދެއްގައި 14 ބުރިއަށް ކުރާ އިމާރާތުގައި ސިވިލް ކޯޓާއި ކުރިމިނަލް ކޯޓާއި، ޖުވެނައިލް ކޯޓާއި، ފެމިލީކޯޓުގެ އިތުރުން ހައިކޯޓާއި، ޑިޕާޓްމަންޓް އޮފް ޖުޑިޝަލް އެޑްމިނިސްޓްރޭޝަން (ޑީޖޭއޭ) ހިމެނޭނެ ކަމަށެވެ.
އަދި މި މަޝްރޫއުގެ އަގަކީ 699.86 މިލިއަން ރުފިޔާ ކަމަށާއި، މަސައްކަތް ނިންމަން ހަވާލުކޮށްފައިވަނީ 720 ދުވަސްތެރޭގައި ކަމަށްވެސް އެކުންފުނިން ބުނެއެވެ.
