އެމްޕީއެލްގެ ޗެއާޕާސަނަކަށް އާމިނަތު ހަމީދު އައްޔަންކޮށްފި

މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ ޗެއާޕާސަންގެ މަގާމަށް އައިމިނަތު ހަމީދު އައްޔަންކޮށްފި އެވެ. އެ މަގާމު މިއަދުގެ ވަގުތެއްގައި އޭނާއަށް ހަމަޖެހިފައިވާރު، މިއީ އެމްޕީއެލްގެ ތާރީހުގައި ވެސް މި މަގާމަށް އަންހެން ބޭފުޅަކު އައްޔަންކުރި ފުރަތަމަ ފަހަރެވެ. އޭނާ މީގެ ކުރިން ވަނީ ރީޖަނަލް އެއާޕޯޓްސްގެ ޑެޕިއުޓީ ޑިރެކްޓަރުގެ މަގާމާއި، އެސިސްޓަންޓް ޑިރެކްޓަރުގެ މަގާމުގެ އިތުރުން އަންޑަ ސެކްރެޓަރީގެ މަގާމު ފުރުއްވާފައެވެ. އަދި ތިލަފުށީ ކޯޕަރޭޝަންގެ ބޯޑް މެމްބަރުކަން ވެސް އައިމިނަތު ވަނީ ކުރައްވާފައެވެ. އޭގެ އިތުރުން، އިނގިރޭސިވިލާތުގެ ޔުނިވަސިޓީ އޮފް އީސްޓް ލަންޑަން އިން އެކައުންޓިން އަދި ފައިނޭންސްގެ ދާއިރާއިން ބެޗްލާސް ޑިގްރީ ހާސިލުކުރައްވައި، އޮސްޓްރޭލިއާގެ ޗާލްސް ސްޓާޓް ޔުނިވަސިޓީ ން މާސްޓަސް އޮފް ބިސްނަސް އެޑްމިނިސްޓްރޭޝަން އޭނާ ވަނީ ހާސިލުކުރައްވާފައެވެ.