މޫސުން ގޯސްވެ ރާއްޖޭގެ ބޮޑުބަޔަކަށް ރީނދޫ އެލާޓް ނެރެފި

ރާއްޖޭގެ މޫސުން ގޯސްވުމާ ގުޅިގެން ލ. އަތޮޅުން ފެށިގެން އައްޑު އަށް އަދި ކ. އަތޮޅުން ފެށިގެން ވ. އަތޮޅާ ހަމައަށް، މެޓު އޮފީހުން މިއަދު ރީނދޫ އެލާޓް ނެރެފި އެވެ. މެޓް އޮފީހުން ބުނީ މިސަރަހައްދުގެ މޫސުން ވަރަށް ބޮޑަށް ގޯސްވާނެތީ، މިއަދު ހެނދުނު 8:30 އިން ފެށިގެން މެންދުރު 12:00 ރީނދޫ އެލާާޓް ނެރެފައިވާކަމުގައެވެ. އެ ވަގުތުގެ ތެރޭގައި ބޯކޮށް ވާރޭ ވެހި، ގުގުރައި ވިލާގަނޑުގައި 45 މޭލަށް ވައިގަދަވެ، ކަނޑުތައް ވެސް ގަދަވާނެ ކަމަށް ލަފާކޮށްފައިވެ އެވެ. [embed]https://twitter.com/MetMaldives/status/1653961327952678914?s=20[/embed] މިދުވަސްވަރަކީ މުޅި ރާއްޖެއަށް ބޯކޮށް ވާރެވެހި ފެންބޮޑުވުމުގެ ހާދިސާތައް ދިމާވާ ދުވަސްވަރަކަށްވާއިރު، ރޭ ބޯކޮށް ވާރޭ ވެހުމުގެ ސަބަބުން މިއަދު މާލޭގެ މަގުތައް ވަނީ ވަރަށް ބޮޑަށް ފެންބޮޑުވެފައެވެ.