މޫސުން ގޯސްވެ، ދެކުނުގެ އަތޮޅުތަކަށް އެލާޓް ނެރެފި

މޫސުން ގޯސްވާނެ ކަމަށް ލަފާކޮށް ރާއްޖޭގެ ދެކުނުގެ އަތޮޅުތަކަށް މޫސުމާ ބެހޭ އިދާރާއިން ވައިޓް އެލާޓް ނެރެފިއެވެ. އެ ސަރަހައްދުގެ މޫސުން ވަރަށް ބޮޑަށް ގޯސްވާނެތީ، ވައިޓް އެލާާޓް ނެރެފައިވާނީ ހެނދުނު 7:00 އިން ފެށިގެން މެންދުރު 12:00 އާ ހަމަށެވެ. މެޓް އޮފީހުން ނެރުނު އެލާޓްގައި ބުނެފައިވަނީ އެ ވަގުތުގެ ތެރޭގައި ބޯކޮށް ވާރޭ ވެހުމާއެކު ގުގުރައި، ވިލާގަނޑުގައި ގަޑިއަކު 40 މޭލަށް ވައި ގަދަވާނެ ކަމަށެވެ. https://twitter.com/MetMaldives/status/1759758822007034086 އެގޮތުން، މެޓް އޮފީހުން ވަނީ ކަނޑު ދަތުރުކުރާ ފަރާތްތަކުން ސަމާލުވުމަށް އިލްތިމާސްކޮށްފައެވެ.