އެމްއެންޑީއެފްގެ ވެބްސައިޓް ހެކްކޮށްފި

މޯލްޑިވްސް ނެޝަނަލް ޑިފެންސް ފޯސް (އެމްއެންޑީއެފް) ގެ ވެބްސައިޓް ހެކްކޮށްފި އެވެ. މައުލޫމާތު ލިބިފައިވާ ގޮތުގައި އެމްއެންޑީއެފްގެ ވެބްސައިޓް ހެކްކޮށްފައި ވަނީ ރޭގެ ވަގުތެއްގައެވެ. އެގޮތުން މިހާރު ސައިޓް ވަނީ ވަގުތީ ގޮތުން މެދުކަނޑާލާފައެވެ. ވެބްސައިޓް ހެކްކޮށް އޭގައި ޖަރުމަނުގެ ކުރީގެ ޗާންސެލަރު ހިޓްލަރާއި އޭނަގެ ނާޒީ ސްވަސްތިކާ ލޯގޯ ޖަހާފައިވާ ޔުނީފޯމެއްގައި ތިބި ބައެއް ފޮޓޯ ހިމަނާފައިވެ އެވެ. އަދި ތިރީގައި ލިޔެފައި އޮތީ ހި "ހައިލް ހިޓްލާ" އެވެ. އެމްއެންޑީއެފުން މިކަމާ ގުޅިގެން އިތުރު އެއްވެސް ތަފުސީލެއް ހާމަކޮށްފައެއް ނުވެއެވެ. މީގެ ކުރިން ވެސް ވަނީ އެމްއެންޑީއެފްގެ ވެބްސައިޓް ހެކްކޮށްފައެވެ. އެ ވެބްސައިޓަކީ އަބަދު ވެސް އެތަނުގެ ހަބަރާއި މައުލޫމާތު ވަރަށް އަޕްޑޭޓްކޮށް ގެނެސްދޭ، ރާއްޖޭގައި ކުއްލިއަކަށް ހިނގާ ބޮޑެތި ހާދިސާތަކާ ބެހޭ މައުލޫމާތު ވެސް ހިއްސާކުރަމުން އަންނަ ވެބްސައިޓެކެވެ.