މޭޔަރު ނިޒާރު މިނިސްޓަރ އިހްސާނަށް: ރައީސް މުއިއްޒު އާއި އަޅުގަނޑުގެ ހާޒިރުގައި 14 ތަނެއްގައި ބިންގާ އަޅައި، ޑްރާމާ ކުޅުއްވީ ކައުންސިލް އިން ބިން ނުލިބިތޯ ސުވާލުކުރައްވައިފި އެވެ.
ޕީޕީއެމް ސަރުކާރު އޮތްއިރުވެސް އައްޑޫއަށް ކުރަން ބޭނުންވި ގިނަ ކަންކަން ނުވީ އޭރު އޮތް ކައުންސިލުން އުނދަގޫ ކުރުމުން ކަމަށާއި، އަދި ވޭތިވެ މިދިޔަ 2 އަހަރުވެސް ހަމަ އައްޑޫ ސިޓީ ކައުންސިލުން ސަރުކާރަށް ކުރީ ޖެއްސުން ކަމަށް ވިދާޅުވެ ރޭ އައްޑޫ ސިޓީ ފޭދޫ މަގުއްދޫ ދާއިރާގެ ކެމްޕޭނު އޮފީސް ހުޅުވުމުގެ ހަފްލާގައި ދެއްކެވި ވާހަކަފުޅާ ގުޅިގެން އައްޑޫ ސިޓީގެ މޭޔަރު އަލީ ނިޒާރު ވަނީ އެ ވާހަކަ ތަކަށް މިއަދު ރައްދު ދެއްވާފައެވެ.
އެ ވާހަކަތަކާ ގުޅިގެން ރައްދުގައި މޭޔަރު ނިޒާރު ވިދާޅުވީ މިދިޔަ އަހަރުގެ ނޮވެމްބަރު މަހު ރައީސް މުއިއްޒު އައްޑު އަށް ވަޑައިގެން 14 ތަނެއްގެ ބިންގާ އަޅާފައިވާ ކަމަށާއި އެ ޑްރާމާތައް ކުޅުއްވީ ކައުންސިލުން ބިން ނުލިބި ތޯއެވެ.
އަދި މިނިސްޓަރ އިހްސާނު އުޅުއްވަނީ މިދިޔަ ރިޔާސީ އިންތިހާބު ތެެޣައި ބޮޑް ސްކްރީން ބަހައްޓައިގެން ޕޮލިސް އެކަޑަމީ ތެރެއިން އިންޑިޔާ ސިފައިންނާއި ބަޑި ދެއްކިހެން ރައްޔިތުން ގުނބޯ ހައްދަވަންތޯ ވެސް ވަނީ ސުވާލުކުރައްވާފައެވެ.
