އަހަރުގެ ފުރަތަމަ މަސް ދެބައިވިއިރު ރާއްޖެއަށް މި އަހަރު މިހާތަކަށް ޒިޔާރަތްކުރި ފަތުރުވެރިންގެ އަދަދު މިދިޔަ އަހަރުގެ މި މުއްދަތަށްވުރެ 10 ޕަސަންޓް އިތުރުވެއްޖެ އެވެ.
ޓޫރިޒަމް މިނިސްޓްރީގެ ތަފާސްހިސާބުތައް ދައްކާ ގޮތުން މި މަހުގެ 13 ވަނަ ދުވަހުގެ ނިޔަލަށް ރާއްޖެއަށް ޖުމްލަ 76،979 ފަތުރުވެރިން ޒިޔާރަތްކޮށްފައިވެ އެވެ.
މިއީ މިދިޔަ އަހަރުގެ މި މުއްދަތުގައި ރާއްޖެ ޒިޔާރަތްކުރި 69.535 ފަތުރުވެރިންނަށްވުރެ 7،444 ފަތުރުވެރިން ނަށް ވުރެ 10.7 ޕަސަންޓް އިތުރު އަދަދެކެވެ. ރާއްޖެއަށް އަހަރުގެ މިހާތަނަށް އެންމެ ގިނަ ފަތުރުވެރިން ޒިޔާރަތްކުރީ ރަޝިއާއިންނެވެ. އެގައުމުން 10،203 ފަތުރުވެރިން ޒިޔާރަތްކުރިއިރު ދެވަނައަށް އެންމެ ގިނަ ފަތުރުވެރިން ޒިޔާރަތްކުރި އިޓަލީން 9،019 ފަތުރުވެރިން ޒިޔާރަތްކޮށްފައިވެ އެވެ. އެ ދެގައުމުގެ އިތުރުން ދެން އެންމެ ގިނަ ފަތުރުވެރިން އައި ގައުމުތަކަކީ:- އިންޑިއާ 6،269
- އިނގިރޭސިވިލާތް 6،072
- ޖަރުމަނު 4،737
- ޗައިނާ 4،288 އެމެރިކާ 2،884
- ފްރާންސް 2،368
- ކަޒަކިސްތާން 1،921
- ރޯމޭނިއާ 1،573
