މިއަހަރު ހައްޖަށްދިޔަ ހައްޖާޖީންގެ ފުރަތަމަ ގްރޫޕް ރާއްޖެ އަތުވެއްޖެ

މިއަހަރު ރާއްޖެއިން ހައްޖަށްދިޔަ ހައްޖާޖީންގެ ފުރަތަމަ ގްރޫޕް ހައްޖުގެ މަތިވެރި އަޅުކަން ނިންމާލުމަމަށްފަހު އެނބުރި ރާއްޖެ އަތުވެއްޖެއެވެ. އިސްލާމިކް މިނިސްޓްރީން ކުރި ޓްވީޓެއްގައި ބުނީ މިއަދު ރާއްޖެއައި ހައްޖާޖީންގެ ފުރަތަމަ ގްރޫޕްގައި ހިމެނެނީ އަލް މަނާސިކް ޕްރައިވެޓް ލިމިޓެޑްގެ ހަވާލުގައި ހައްޖަށް ދިޔަ ހައްޖުވެރިން ކަމަށެވެ. [embed]https://twitter.com/MVIaffairs/status/1677156987203907585?s=20[/embed] ހައްޖާޖީންގެ ފުރަތަމަ ގްރޫޕް ރޭ 19:10 ގައި ސައުދި އަރަބިއްޔާއިން ފުރާފައިވާއިރު، މިފަހަރު ހައްޖާޖީން އެނބުރި ރާއްޖެ ގެނައުމަށް ހަތް ފްލައިޓެއް ހަމަަޖެހިފައިވެއެވެ. އިސްލާމިކް މިނިސްޓްރީން ބުނި ގޮތުގައި ހުރިހާ ހައްޖުވެރިން އެނބުރި ރާއްޖެ އައިސް ނިމޭނީ މިމަހުގެ 14 އަށެވެ. މި އަހަރުގެ ހައްޖުގެ އަޅުކަމަށް ގޮސް އުޅެނިކޮށް ދިވެހި ހަތަރު ހައްޖާޖީއަކު ވަނީ ނިޔާވެފައެވެ.