މެންބަރު މުހުސިން އެމްޑީޕީއަށް ސޮއިކުރައްވައިފި

ރައްޔިތުންގެ މަޖިލީހުގެ ނިލަންދޫ ދާއިރާގެ މެންބަރު އަބްދުލް މުހުސިން ހަމީދު (ޖޭފޯ) އެމްޑީޕީއަށް ސޮއިކުރައްވައިފިއެވެ. މުހުސިން އެމްޑީޕީއަށް ސޮއި ކުރެއްވީ ރައީސް ސޯލިހް މިހާރު ފ. އަތޮޅަށް ކުރައްވަމުން ގެންދަވާ ދަތުރުފުޅުގައި މިއަދު ފ. ނިލަންދޫގައި އޮތް ހާއްސަ ރަސްމިއްޔާތެއްގަ އެވެ. މުހުސިން ރައްޔިތުންގެ މަޖިލީހަށް އިންތިހާބުވީ އަމިއްލަ ކެންޑިޑޭޓެއްގެ ގޮތުގަ އެވެ. މަޖްލިސްގައި އަމިއްލަ މެމްބަރެއްގެ ގޮތުގައި ހުންނަވައިގެން މުހުސިން ވަނީ ރައްޔިތުންގެ މަޖިލީހުގެ ނައިބް ރައީސްގެ މަގާމުން އީވާ  ވަކި ކުރުމަށް މަޖްލިހަށް ހުށަހެޅި ޕެޓިޝަނުގައި ވެސް ސޮއި ކުރައްވާފައެވެ. ރައްޔިތުންގެ މަޖިލީހުގައި ތިއްބެވި އެމްޑީޕީގެ 12 މެމްބަރުން ވަކި ވުމާއި ގުޅިގެން އެޕާޓިގެ މެމްބަރުންގެ އަދަދު 55 އަށް ދަށްވެފައި ވަނިކޮށް މުހުސިން ސޮއިކުރެއްވުމުން 56 މެމްބަރުން މިހާރު ތިއްބަވާނެއެވެ.