މެދު ރާއްޖެތެރެއިން ފެށިގެން ދެކުނަށް ހުދު އެލާޓް ނެރެފި

މޫސުން ގޯސްވުމާއި ގުޅިގެން މެދު ރާއްޖެތެރެއިން ފެށިގެން ދެކުނުގެ އަތޮޅު ތަކަށް ހުދު އެލާޓް ނެރެފިއެވެ. މޫސުމާ ބެހޭ އިދާރާ މޯލްޑިވްސް މީޓިއޮރޯލޮޖިކަލް ސާވިސް (މެޓް އޮފީހުން) އެ އެލާޓް ނެރެފައިވަނީ ފ.އަތޮޅުން ފެށިގެން އައްޑޫ ސިޓީ އާއި ދެމެދުގެ ސަރަހައްދަށެވެ. އަދި އެއީ މިއަދު ހެނދުނު 09:00 އިން ފެށިގެން މެންދުރުފަހު 15:00 އާއި ހަމައަށެވެ. [embed]https://twitter.com/MetMaldives/status/1653244787716399104?s=20[/embed] މެޓް އޮފީހުން ބުނެފައިވަނީ އެލާޓްގައިވާ ގޮތުން އެ ސަރަހައްދުތަކަށް ބޯކޮށް ވާރޭ ވެހުމާއެކު ގުގުރާނެ ކަމަށާއި ވިލާގަނޑުގައި ގަޑިއަކު 40 މޭލަށް ވައި ގަދަވާނެ ކަމަށް ލަފާކުރެވޭ ކަމަށެވެ. މިއީ ރާއްޖޭގެ އެކި ކަންކޮޅުތަކަށް މޫސުން ގޯސްވާނެކަމަށް ލަފާކުރެވޭ ދުވަސްވަރަކަށްވުމުން، މޫސުމާ ބެހޭ އިދާރާއިން ނެރޭ އެލާޓްތަކަށް ސަމާލުވާން އެ އިދާރާއިން އެދެއެވެ.