އެމްޑީޕީ ޕްރައިމަރީގައި ވޯޓުލެވޭ ލިސްޓް މިއޮތީ، ޝަކުވާއެއް އެބައޮތްތަ؟

އެމްޑީޕީ ޕްރައިމަރީގައި ވޯޓުލެވޭ ލިސްޓު އާންމުކޮއްފިއެވެ.

އެމްޑީޕީން މި ލިސްޓް އާންމު ކުރީ ވޯޓުލެވޭ މީހުންގެ ވަގުތީ ލިސްޓް އާންމު ކުރުމަށްފަހު ޝަކުވާ ހުށައަޅަން ދިން މުއްދަތު ހަމަވުމަށްފަހު ހުށައެޅި ޝަކުވާތަކަށް ބެލުމަށްފަހުގައެވެ. https://mdp.org.mv/archives/81487

އެމްޑީޕީން އާންމުކުރި ލިސްޓުގައިވާ ގޮތުން ރިޔާސީ ޕްރައިމަރީގައި އެ ޕާޓީގެ ދަފްތަރުގައި އޮތް 57،255 މީހަކަށް ވޯޓު ލެވޭނެ އެވެ. ވަގުތީ ލިސްޓު އާންމުކުރިއިރު 459 ނަމެއް އިތުރެވެ. އެ ލިސްޓުގައި 57،714 މީހުންގެ ނަން އޮތެވެ. އެމްޑީޕީގެ ޕްރައިމަރީގައި ވާދަކުރައްވަނީ އެ ޕާޓީގެ ރައީސް މުހައްމަދު ނަޝީދާއި ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހެވެ.