ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ އާއި އެމްޑީޕީގެ ޕީޖީ ލީޑަރު އިބްރާހީމް ނާޒިލު މިއަދު ބައްދަލު ކުރައްވައިފި އެވެ.
މިއަދު ރައްޔިތުންގެ މަޖިލީހުގެ އިދާރާގަ އޮތް އެ ބައްދަލުވުމާ ގުޅޭ ގޮތުން އެމްޑީޕީގެ ޕާލިމަންޓްރީ ގްރޫޕްގެ ލީޑަރ ނާޒިލް ވިދާޅުވީ މަޖިލީހުގެ ރައީސް އަބްދުއްރަހީމް އާއި ބައްދަލު ކުރެއްވީ އަންނަ ބުރާސްފަތި ދުވަހު މަޖިލިސް ހުޅުވާ ޖަލްސާގެ އެޖެންޑާ ލިބިފައިވާތީ، އެކަމާ ގުޅޭގޮތުން މަޝްވަރާ ކުރުމަށް ކަމަށެވެ. އަދި އެ ބައްދަލުކުރެއްވުމުގައި އިތުރު އެހެން ކަމަކާ މަޝްވަރާކުރައްވާފައިނުވާކަމަށްވެސް ނާޒިލް ވިދާޅުވިއެވެ.
ބަރާސްފަތި ދުވަހު 20 ވަނަ ރައްޔިތުންގެ މަޖިލީހަށް މި އަހަރުގެ ރިޔާސީ ބަޔާން ހުސަހަޅަށް ރައީސް ޑރ.މުއިއްޒު ނިންމަވާފައިވާއިރު މަޖިލީހުގެ ރައީސްކަމުން އަބްދުއްރަހީމް ވަކިކުރުމުގެ ވާހަކަތަކެއްވެސް ވަނީ ދެކެވެން ފަށާފައެވެ. އަދި މަޖިލިސް ރައީސް ގެ ދަރިކަލުން އިބްރާހިމް ފައިސަލް ޓޫރިޒަމް މިނިސްޓަރ ކަމުން ވަކިކުރުމުގެ އިތުރުން މަޖިލސް ރައީސް އަބްދުއްރަހީމް އާއި ގުޅުންހުރި ބައެއް ފަރާތަށް ސިޔާސީ މަޤާމުތަކުންނާއި ކުންފުނި ތަކުގެ އިސް މަޤާމްތަކުން ވަނީ ވަކިކުރަން ފަށާފައެވެ.
