މާލެ ސަރަހައްދުގެ 15 ރަށެއްގައި ޒަމާނީ ކުނިކޮށިތަކެއް ހަދަނީ

މާލެ ސަރަހައްދުގެ 15 ރަށެއްގައި ޒަމާނީ ކުނިކޮށިތަކެއް ހެދުމުގެ މަޝްރޫއެއް ފަށައިފި އެވެ. އެ މަޝްރޫއުގެ ދަށުން އެންވަޔަރަމަންޓް މިނިސްޓްރީން ވަނީ ތިން ރަށެއްގައި ކުނިކޮށި ހަދަން ބަޔަކާ ހަވާލުކޮށްފައެވެ. އަދި އިއްޔެ ކ. ތުލުސްދު އާއި ހުރާގެ އިތުރުން ހިންމަފުށީގެ ކުނިކޮށީގެ މަސައްކަތް ވަނީ ސެންޓްރަލް ލައިން ޕްރައިވެޓް ލިމިޓެޑް ކިޔާ ކުންފުންޏަކާ ހަވާލުކޮށްފައެވެ. [embed]https://twitter.com/MoEnvmv/status/1658758345900331008?s=20[/embed] އެގޮތުން ހުރާގެ ކުނިކޮށި ހަދަން 3.26 މިލިއަން ރުފިޔާ ކަނޑައަޅާފައިވާ އިރު، ހިންމަފުށީގެ ކުނިކޮށި ހަދަން 3.52 މިލިއަން ރުފިޔާ، އަދި ތުލުސްދޫ ކުނިކޮށީ ހަދަން 3.51 މިލިއަން ރުފިޔާ ކަނޑައަޅާފައިވެ އެވެ. އެ ކުންފުންޏާ ތިން ރަށުގެ މަސައްކަތް ހަވާލުކޮށްފައިވަނީ މަސައްކަތް ފަށާތާ ހަ މަސްތެރޭގައި ނިންމާ ގޮތަށެވެ. މާލެ ސަރަހައްދުގެ 15 ރަށެއްގެ ކުނިކޮށި ޒަމާނީ ފެންވަރަށް ހަދަން ކުރިއަށް ގެންދާ މަޝްރޫއަކީ އޭޝިއަން ޑިވެލޮޕްމަންޓް ބޭންކް (އޭޑީބީ) އާއި ސަރުކާރުން ހަރަދުކޮށްގެން ހިންގާ މަޝްރޫއެއް ކަމަށް އެންވަޔަރަމަންޓް މިނިސްޓްރީން ބުންޏެވެ.