މާލެ މަގުމަތީގައި ނަށާ ބިދޭސީ އަންހެނެއްގެ އުނދަގޫ ޖެހިއްޖެ

ދުއްވާ އެއްޗިއްސަށް ބެލުމެއް ނެތި މާލެ މަގުުމަތީގައި ނަށާ ބިދޭސީ އަންހެނެއްގެ އުނދަގޫ އަނެއްކާވެސް ޖެހިއްޖެއެވެ. ރޭ ވަގުތެއްގައި ސޯޝަލް މީޑިއާގައި ދައުރު ވަމުން ދިޔަ ވީޑިއޯއަކުން ފެނިގެންދިޔައީ އަވި އައިނެއް އަޅައިގެން، ފައިވާނަކަށްވެސް ނަރާ ހުރި ބިދޭސީ އަންހެނަކު މާލޭގެ މަޖީދީ މަގުގައި ނަށާ ތަނެވެ. އޭނާ މަގުމަތީގައި ޖައްސާ ވައްތަރުގެ ސަބަބުން ބޮޑަށް ބެލެވެނީ މަސްތު ހާލަތުގައި ހުރެގެން ކުރާ ކަމެއް ކަމަށެވެ. އަދި މަގުމަތިން ދުއްވާ އުޅަނދުތަކަށް ބެލުމެއްނެތި، މަގުގެ މެދަށް އަރައި، ނަށަމުން ގެންދިޔައެވެ. އޭނާ އެގޮތަށް ކަންތަައް ކުރުމުން، ބައެއް މީހުންނަށް މަގުމަތިން ވެހިކަލް ދުއްވަން އުނދަގޫ ވެގެން އުޅޭތަންވެސް އެ ވީޑިއޯތަކުން ފެނިގެން ދެއެވެ. މީގެެ ކުރިންވެސް އެ އަންހެން މީހާ މާލެ މަގުމަތީގައި ނަށައި، ބޭއަދަބީ ވައްތަރު ޖައްސައި، ޓްރެފިކަށް ހުރަސް އެޅޭ ގޮތަށް އުޅުނު ވީޑިއޯ ތަކެއް ވަނީ އާއްމުވެފައެވެ. ބެލެވޭ ގޮތުގައި އޭނާއަކީ ޔޫކްރެއިން އަންހެނެކެވެ. މިކަމާއި ގުޅިގެން ފުލުހުން ވަކި އެއްޗެއް ހާމަ ކޮށްފައެއް ނުވެއެވެ.