މާލެއިން މީހަކު ގެއްލިގެން ހޯދަނީ

މާލެއިން މީހަކު ގެއްލިގެން ހޯދަން ފަށާފައިވާ ކަމަށް ފުލުހުން ބުނެފިއެވެ. ފުލުހުން މިއަދު ކުރި ޓްވީޓެއްގައި ވާ ގޮތުން، ގެއްލިގެން ހޯދަމުން އަންނަނީ ކ. މާލެ/ ހ. ކޯލީފްލާވަރ، އަހްމަދު ނާޝިދު (46) ކަމަށެވެ. [embed]https://twitter.com/PoliceMv/status/1638069795428900869?s=20[/embed] ފުލުހުން ބުނީ ވީނުވީއެއް ނޭނގި ނާޝިދު ގެއްލިފައިވަނީ މިމަހުގެ 15 ވަނަ ދުވަހުން ފެށިގެން ކަމަށާއި އާއިލާއަށް އޭނާގެ ހަބަރެއް ނުވެގެން ފުލުހުންނަށް ރިޕޯޓް ކޮށްފައިވަނީ މިމަހުގެ 19 ވަނަ ދުވަހުގެ ވަގުތެއްގައެވެ. ނާޝިދު އާއި ގުޅުންހުރި އެއްވެސް މައުލޫމާތެއް އިގޭ ފަރާތެއްވާނަމަ އެކަން ފުލުހުންގެ ސީރިއަސް އެންޑް އޮގަނައިޒް ކްރައިމް ޑިޕާޓްމަންޓްގެ ނަންބަރު 9911099 އަށް ގުޅުއްވައި ހިއްސާކުރަން ފުލުހުން އެދެ އެވެ.