މާލޭ ގެއެއްގައި ރަހީނުކޮށްފައި ތިބި 3 ދިވެހިން ސަލާމަތްކޮށްފި

ހެންވޭރު އަބަދަށް އުފާ މަގުގައި ހުރި ގެއެއްގައި ރަހީނުކޮށްގެން ގެންގުޅުނު، 3 ދިވެހި ފިރިހެނުން ސަލާމަތްކޮށްފައިވާކަމަށް ފުލުހުން ބުނެފި އެވެ. ފުލުހުން ބުނީ، ފުލުހުންނަށް ލިބުނު މައުލޫމާތަކާ ގުޅިގެން އެތަންނަށް ގޮސް، ބާރުގެ ބޭނުންކޮށްގެން، އެތެރެއަށް ވަދެ، ތިން މީހުން ސަލާމަތް ކުރިކަމަށެވެ. ފުލުހުން ބުނީ، ރަހީނުކޮށްފައި ތިބި މީހުނަށް އެކިވަރުގެ އަނިޔާ ލިބިފައިވާ ކަމަށެވެ. ޑޮކްޓަރަށް ދެއްކުމަށް އެމީހުން އައިޖީއެމްއެޗަށް ގެންގޮސްފައިވާ ކަމަށް ވެސް ފުލުހުން ބުންޏެވެ. މި މައްސަލައާ ގުޅިގެން 18 އަހަރުން ދަށުގެ ކުއްޖަކާއި ދިވެހި ފިރިހެނަކު، ފުލުހުންގެ ބެލުމުގެ ދަށަށް ގެނެސްފައިވާ ކަމަށް ވެސް ފުލުހުން ބުންޏެވެ. މިމައްސަލަ ފުލުހުން ދަނީ ތަހުގީގު ކުރަމުންނެވެ.