މާލޭ ގެއެއްގައި ގޭސް އެކްސްޕްލޯޝަނެއް ހިނގައިގެން އެމްއެންޑީއެފް ހަރާތް ތެރިވާންފަށައިފި

މާލޭ ގެއެއްގައި ގޭސް އެކްސްޕްލޯޝަނެއް ހިނގައިގެން އެމްއެންޑީއެފް ގެ ފަޔަރ އެންޑް ރެސްކިޔު ސަރވިސްއިން ހަރާތް ތެރިވާންފަށައިފިއެވެ. އެމްއެންޑީއެފް އިން ބުނީ މިހާދިސާހިނގާފައިވަނީ މއ. ގުލާބީގޭގެ 5 ވަނަ ފަނގިފިލާގައި ކަމަށެވެ. އެމްއެންޑީއެފް އިން ބުނީ މިހާދިސާހިނގައިން އުޅޭކަމުގެ މައުލޫމާތު ލިބިފައިވަނީ މިއަދު 14:25 ހާއިރު ކަމަށާއި، ރިޕޯޓު ލިބުނުގޮތަށް އެމްއެންޑީއެފް އިން ހަރަކާތް ތެރިވާން ފެށިކަމަށެވެ. https://twitter.com/MNDF_Official/status/1669648291980787712 މިހާދިސާހިނގަން މެދުވެރިވީ ގޭސް ލީކުވެފައިހުއްޓާ އުނދުން ރޯކުރުމުގެ ސަބަބުން ކަމަށް އެމްއެންޑީއެފް އިން ބުންޏެވެ. މި ހާދިސާގައި އެގޭގައި އުޅުނު 35 އަހަރުގެ މީހަކަށް ނޭވާލާން އުނދަގޫވެ މިހާރު ހޮސްޕިޓަލުގައި ފަރުވާދެމުންދާ ކަމުގެ މައުލޫމާތު ލިބިފައިވާ ކަމަށް ވެސް އެމްއެންޑީއެފް އިން ބުންޏެވެ. މި ހާދިސާގައި އުނދުނަށްވެސް ވަނީ ގެއްލުންވެފައި ކަމަށް އެމްއެންޑީއެފްއިން ވަނީ ބުނެފައެވެ.