މަކާރާއި ހީލަތުން ޑޮލަރު ހޯދި މައްސަލައެއްގައި ދެ މީހަކު ހޯދަނީ

މަކާރާއި ހީލަތުން ޑޮލަރު ހޯދިކަމަށް ތުހުމަތުކުރެވޭ މައްސަލައެއްގައި ދެ މީހަކު ހޯދަން ފުލުހުން އިއުލާންކޮށްފިއެވެ. މި މައްސަލައިގައި ފުލުހުން ހޯދަމުންދަނީ އަބްދުﷲ މުހައްމަދު، ކ. މާލެ / މއ. ކެދިފަށުވިގެ (61އ) އާއި އިސްމާއިލް ޝިމާމް، ކ. މާލެ / މއ. ޑޯރެންސީވިލާ، (42އ) އެވެ. ފުލުހުން ބުނީ މި ދެމީހުން ހޯދަމުންދަނީ މ. މުލީ ޕޮލިސް ސްޓޭޝަނުން ތަހުގީގުކުރަމުންދާ މަކާރާއި ހީލަތުން 400 ޑޮލަރު ހޯދާފައިވާކަމަށް ތުހުމަތުކުރެވޭ މައްސަލައެއްގެ ތަހުގީގަށް މީހަކު ހާޒިރުކުރުމަށް ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީ ކަމަށެވެ. އެހެންކަމުން، ޖިނާއީ މައްސަލަތައް ތަހުގީގު ކުރުމުގައި ފުލުހުން އަމަލު ކުރާ ގަވާއިދުގެ ދަށުން ތަހުގީގަށް ހާޒިރުވުމަށް އަންގައި އިއުލާނު ކުރާ ކަމަށް ފުލުހުން ބުނެފައިވެއެވެ. އެގޮތުން، މައްސަލައިގެ ތަހުގީގަށް ސުވާލުކުރުމަށް، މ. މުލީ ޕޮލިސް ސްޓޭޝަނަށް، މިމަހުގެ 24 ވަނަ ދުވަހުގެ 10:00 އަށް ދެމީހުން ހާޒިރުވުމަށް ފުލުހުން ވަނީ އަންގާފައެވެ.