ރާއްޖޭގެ މާލީ ހާލަތު ސާފުކޮށްދިނުމަށް މޯލްޑިވްސް ޓްރޭޑް އެސޯސިއޭޝަނުން ވެސް ގޮވާލައިފި
ރާއްޖޭގެ މާލީ ހާލަތު ސާފުކޮށްދިނުމަށް މޯލްޑިވްސް ޓްރޭޑް އެސޯސިއޭޝަނުން ވެސް ގޮވާލައިފި
ލިޔުން:
މާލީ ހާލަތު ތިލަކޮށް ތެދު ބަހުން ސަރުކާރުން ސާފުކޮށްދޭން ގޮވާލައްވައި ރައްޔިތުންގެ މަޖިލީހުގެ ނައިބު ރައީސް އަދި ދިއްގަރު ދާއިރާގެ މެންބަރު އަހުމަދު ނާޒިމް މާލިއްޔަތު ކޮމިޓީގައި ދެއްކެވި ވާހަކަތަކާ ގުޅިގެން، މޯލްޑިވްސް ޓްރޭޑް އެސޯސިއޭޝަނުން ވެސް އެ ގޮވާލުން ތަކުރާރުކޮށްފި އެވެ.
މޯލްޑިވްސް ޓްރޭޑް އެސޯސިއޭޝަންގެ ރަސްމީ އެކައުންޓުން ކުރި ޕޯސްޓެއްގައި ބުނީ އިގުތިސޯދީ ހާލަތާ ގުޅޭ ގޮތުން މަޖިލީހުގެ ނައިބު ރައީސް ނާޒިމް ފާޅުކުރެއްވީ ވަރަށް ވެސް ޖާއިޒު ކަންބޮޑުވުންތަކެއް ކަމަށް އެ ޖަމިއްޔާއިން ދެކޭ ކަމަށެވެ.
"ރާއްޖޭގެ ވިޔަފާރިވެރިންނަށާއި, އަދި އެންމެހާ ދިވެހި ރައްޔިތުންނަށް ވެސް "ތެދުބަހުން ވަރަށް ތިލަކޮށް" ރާއްޖޭގެ އިގްތިސާދީ ހާލަތުގެ އަސްލު މަންޒަރު ފިނޭންސް މިނިސްޓަރު [ޑރ. މުހައްމަދު ޝަފީގު] ސާފުކޮށްދެއްވުމަށް މި ޖަމިއްޔާއިން ގޮވާލަން،" ޕޯސްޓުގައިވެ އެވެ.
ތަރައްގީގެ މަޝްރޫއުތަކަށް ޗައިނާ އަދި އިންޑިއާއިން ލޯނު ނަގާފައިވާއިރު ކޮވިޑް-19 ގެ ބަލިމަޑުކަމުގައި ބަޖެޓު ސަޕޯޓަށް ވެސް އިންޑިއާއިން ލޯނު ދީފައިވެ އެވެ. މި ލޯނުތައް ވެސް ހިމެނޭހެން، އެތެރެއާއި ބޭރުގެ ދަރަނި ވެސް ހިމެނޭ ގޮތަށް ދައުލަތުގެ ދަރަނި ގާތްގަނޑަކަށް 118 ބިލިއަން ރ. އަށް މިހާރު އަރަ އެވެ.
ދަރަނި އަދި އިގުތިސޯދީ ހާލަތު ސާފުކުރަން ފިނޭންސް މިނިސްޓަރު ކޮމިޓީއަށް ހާޒިރު ކުރުމަށް، ނާޒިމް ހުށަހަޅުއްވައި ކޮމިޓީގެ މެންބަރުން ތާއީދުކޮށްގެން ވަނީ ފާސްކޮށްފަ އެވެ. މަޖިލީހުގެ ގަވާއިދު އޮންނަ ގޮތުން ކޮމިޓީއަށް ހާޒިރުވެވަޑައިގަތުމަށް ވަޒީރަށް ފަސް ދުވަހުގެ ނޯޓިސްއެއް ދޭނެ އެވެ.
ކިޔުންތެރިންގެ ސަމާލުކަމަށް
ރާއްޖޭގެ އިސްތިގުލާލު ގެއްލި މިނިވަންކަމަށް ބުރޫ އަރާނީ ވެރިކަމުގަ މިހާރު ތިބި ގަމާރުންނަށް ތަނެއްދޮރެއް ނޭނގޭތީ: ރައީސް ނަޝީދު
އެމްޑީޕީ ކޮންގްރެސްގެ ބައިވެރިންނާ ބައްދަލުކޮށް، އެޕާޓީގެ އަސާސީ ޤަވާއިދަށް ފައްޔާޒް ހުށަހަޅާ އިސްލާހުތަކާ ގުޅޭ މައުލޫމާތު ދެއްވައިފި
އެމްޑީޕީ ރިޔާސީ ޕްރައިމަރީގައި ވާދަކުރައްވާނެ ކަމަށް ހާމަކުރެއްވި ބޭފުުޅުންގެ ތެރެއިން ރަސްމާލެ ވިއްކާލުމާ ފާޅުގަ ދެކޮޅު ހަދަން ކެރިވަޑައިގަތީ ފައްޔާޒަށް އެކަނި: އަކްރަމް
އެމްޑީޕީގެ ވެރިކަމުގައި ޢާންމު ނުވާ މިންވަރަށް މަގުތައްމަތީ އޮރިޔާން އާންމުވެއްޖެ: ޝެއިޙް ޒަމްޒަމް ފާރިޝް
އީގަލް ހިލްސް ވެބްސައިޓުގަ ހާމަކޮށްފައިހުރި ސަރުކާރުން ހާމަނުކުރާ ބައެއް މައުލޫމާތު ކޮންމެވެސް ސަބަބަކާހުރެ އީގަލް ހިލްސްގެ ވެބްސައިޓުން ނަގައިފި
އީގަލް ހިލްސް ޕްރޮޖެކްޓުގެ ވަށައިގެންވާ ހުރިހާ ކަމެއް ރައްޔިތުންނަށް ހާމަކޮށްފައިނޫނީ އެ މަޝްރޫއު ކުރިއަށް ނުގެންދަން ފައްޔާޒު ގޮވާލައްވައިފި
ޚިޔާލުތައް (0)
މި ލިޔުމަށް އަދި އެއްވެސް ޚިޔާލެއް ޝާއިޢުކުރެވިފައެއް ނެތް. ފުރަތަމަ ޚިޔާލު ފާޅުކުރައްވާ ފަރާތަކަށް ވެލައްވާ!