ލޮލަށް އަޅާ ބޭސްތަކެއް މަނާކޮށްފި

ޔުނައިޓެޑް ސްޓޭޓްސް ފުޑް އެންޑް ޑްރަގް އޮތޯރިޓީ (ޔޫ.އެސް އެފްޑީއޭ) އިން އެލާޓް ކޮށްފައިވާ، ލޮލަށް އަޅާ ބޭސްތަކެއް ބޭނުންކުރުން މަނާކޮށްފިއެވެ. އެމެރިކާގައި އުފައްދާފައިވާ ލޮލުގެ އެކި ބަލިތަކަށް ހާއްސަ މިބޭސްތަކުގެ ރައްކާތެރިކަން ކަށަވަރުނުވާތީ އެބޭސްތައް ރިކޯލްކޮށްފައިވާކަމުގައި މޯލްޑިވްސް ފުޑް އެންޑް ޑްރަގް އޮތޯރިޓީ ( އެމްއެފްޑީ) އިން ބުންޏެވެ. މިބޭސްތަކަކީ ރާއްޖެއަށް އިމްޕޯޓް ކުރުމާއި ވިއްކުމަށް ހުއްދަ ކުރާ ބޭހުގެ ތެރޭގައި (އެޕްރޫވްޑް ޑްރަގް ލިސްޓްގައި) ހިމެނޭ ބޭސްތަކެއް ނޫނެވެ. އެހެން ނަމަވެސް، ބޭސްސިޓީއަށް ނުވަތަ އެނޫންވެސް ގޮތަކުން ރާއްޖެއަށް މިބޭސް އިމްޕޯޓް ކޮށްފައި ހުރެދާނެތީ އެކަމަށް ސަމާލުވުމަށް އެމްއެފްޑީ އިން އިލްތިމާސް ކުރެއެވެ. މަނާކޮށްފައިވާ ލޮލަށް އަޅާ ބޭސްތައް : ރައްކާތެރިކަމުގެ ފިޔަވަޅެއްގެ ގޮތުން ބޭސް ސިޓީއަށް ބޭސް އެތެރެ ކުރާއިރު ހާއްސަ ސަމާލުކަމެއް ދީގެން ޕޯޓްތަކުގައި ބަލައި ފާސްކުރަމުން ގެންދާނެ ކަމުގައި އެމްއެފްޑީއޭ އިން ބުނެ އެވެ.