ކުރީގެ ކީޕަރު އަސްލަމް ޖޭޕީއަށް ސޮއި ކޮށްފި

ޤައުމީ ޓީމުގެ ކުރީގެ ކީޕަރު އަސްލަމް އަބްރުއްރަހީމް ޖުމްހޫރީ ޕާޓީ (ޖޭޕީ)އަށް ސޮއިކޮށްފިއެވެ. ޖުމްހޫރީ ޕާޓީއަށް ސޮއިކުރުމަށްފަހު މެމްބަރޝިޕް ފޯމު ޕާޓީގެ ލީޑަރ ޤާސިމް އިބްރާހިމާ ވަހީ ހަވާލުކޮށްފައެވެ. https://twitter.com/riyaz_rasheed/status/1655176740933877761?s=48&t=VaMT4FNQWLUtLY5cwplOVw ޕާޓީގެ ސްޕެޝަލް އެޑްވައިޒަރ ރިޔާޒް ރަޝީދު، އަސްލަމް ޖޭޕީއަށް ސޮއިކުރެއްވިކަން އިއުލާން ކުރައްވާ، ކުރެއްވި ޓްވީޓެއްގައި ވިދާޅުވީ އަސްލަމް ޕާޓިީީ އާއި ގުޅިވަޑަިގެންވުމުން ވަރަށް އުފާވާ ކަމަށެވެ. އަދި މީގެ އިތުރުން ރިޔާޒްވަނީ އަސްލަމް އަށް ވަރަށް ބޮޑަށް މަރުހަބާ ދަންނަވާފައެވެ. މިކަމާ ގުޅިގެން ޖޭޕީން ބުނީ، މިއަދު އަލަށް ގުޅިވަޑައިގެންނެވި ޒުވާނުންނަށް ޕާޓީގެ ލީޑަރު ޤާސިމް އިބްރާހީމާއި ޕާޓީގެ ލީޑަރޝިޕުގެ ނަމުގައި މަރުހަބާ އާއި ތަހުނިޔާ ދަންނަވާ ކަމަށާއި، ޖޭޕީ އަކީ ހުރިހާފަންތިއަކާއި ގިންތިއަކަށް ވެސް ފުރުސަތު އޮންނާނެ ޕާޓީއެއް ކަމަށެވެ. އަސްލަމަކީ ކުލަބު ވެލެންސިއާ ،ނިއުރޭޑިއަންޓް އަދި ގައުމީ ޓީމަށް ގިނަދުވަސް ތަކެއްގައި ކުޅެފައިވާ, ރާއްޖެއާއި ރާއްޖޭން ބޭރުގައި ވެސް ގައުމަށް ރީތިނަން ހޯއްދަވައިދެއްވި ބޭފުޅެކެވެ.