ކުރީގެ މަޖިލިސް މެންބަރު އަހުމަދު ހައިތަމް ސްރީލަންކާގައި ދުއްވާ ކާރު ބަޔަކު ގޮއްވާލައިފި އެވެ.
އެކަމާގުޅިގެން މައްޗަންގޮޅި ދެކުނު ދާއިރާގެ ކުރީގެ ހައިތަމް "އަދަދު" ނޫހައް ދީފައިވާ މައުޅުމާތުގައި ބުނެފައިވަނީ ކާރު ގޮއްވާލާފައިވަނީ މީގެ 3 ވަރަކަށް ދުވަސް ކުރިން ހިނގާފައިވާ އެކްސިޑެންޓަކާ ގުޅިގެން މަރާމާތު ކުރަން ލާފައި އޮއްވަ ކަމަށެވެ. އަދި ކާރުގެ މަރާމާތު ނިންމައި އިއްޔެ ކާރު ބަލައި އަންނަންވެސް ބުނެފައިވާކަމަށާއި ނަމަވެސް މިއަދު ގުޅާފައި ކާރު ގޮއްވާލި ވާހަކަ ބުނެފައިވާކަމަށެވެ.
އެމްޑީޕީ ގެ ޓިކެޓް ގައި މަޖިލިސް އަށް ހޮވިވަޑައިގަތް ހައިތަމް ވަނީ ނިމިދިޔަ ރިޔާސީ އިންތިހާބުގެ 2 ވަނަ ބުރަށް ފަހު ވެރިކަންކުރާ ޕީއެންސީއާއި ގުޅިވަޑައިގެންފައެވެ.
