ކުޅުދުއްފުށި ސިޓީގެ ތަރައްގީ އޮތީ ހުއްޓިފައި: މޭޔަރ އާތިފް

ކުޅުދުއްފުށި ސިޓީގައި ސަރުކާރުން ހިންގަމުންއައި ޕްރޮޖެކްޓް ތަކުގެ ތެރެއިން މަގުހެދުން ފިޔަވައި ހުރިހާ ޕްރޮޖެކްޓްތަކެއް މިހާރު ހުރީ ހުޓިފައިކަމަށް އެ ސިޓީގެ މޭޔަރ އާތިފް ވިދާޅުވެއްޖެ. ރޭ ރާއްޖެ ޖީޓީވީގެ ޕްރޮގްރާމެއްގައި ވާހަކަފުޅު ދައްކަވަމުން ކުޅުދުއްފުށި ސިޓީގެ މޭޔަރ އާތިފް ވިދާޅުވީ ސަރުކާރު ބަދަލުވީ އިރު އެ ސިޓީގައި ކުރިއަށް ދިޔަ ޕްރޮޖެކްޓު ތަކުގެ ތެރެއިން ރޯޑް ފޭސް 2 ފިޔަވައި ހުރިހާ ޕްރޮޖެކްޓްތަކެއް މިހާރުވަނީ ހުއްޓިފައިކަމަށާއި އެގޮތުން އެ ސިޓީގައި ހިންގަމުންދިޔަ 400 ފުލެޓް އެޅުމުގެ ބޯހިޔާވަހިކަމުގެ މަޝްރޫޢުއާއި، 3 ސުކޫލުގައި ހިންގަމުން އައި އިންފްރާސްޓްރަކްޗަރ ގެ 3 ޕްރޮޖެކްޓާއި، އެ ސިޓީގައި 25 މެގަ ވޮޓް ގެ އިންޖީނުގެ އެޅުމުގެ މަސައްކަތާއި، ދަމަނަވެށި ޕްރޮޖެކްޓާއި އަދި ކުޅިވަރުގެ އިންފްރާސްޓްރަކްޗަރ ގާއިމްކުރުމަށް ފަށާފައިވާ މަޝްރޫޢުތައް އެއްކޮށްވަނީ ހުއްޓިފައިކަމަށެވެ. އަދި އެމްޓީސީސީ އާއި ޙަވާލުކޮށްގެން ކުޅުދުއްފުށި އިންޓަނޭޝަނަލް ޕޯޓް ތަރައްގީކުރުމަށް ހިންގަމުން އައި ޕްރޮޖެކްޓު ވެސް މިހާރު ކުރިއަށް ނުދާކަމަށާއި، އެ ޕްރޮޖެކްޓްގައި ހިމެނޭ މަގަތު ފާލަން ގާއިމްކުރުމާއި ވެހިކަލް ގަރާޖު ގާއިމްކުރުމާއި، އެހެނިހެން ވަސީލަތްތައް ގާއިމް ކުރުން ހިމެނޭ އެ ޕްރޮޖެކްޓުގެ ވެހިކަލް ގަރާޖު ވިޔަވައި އެހެން ކަންކަން ނުކުރަނީސް އެ ޕްރޮޖެކްޓް ކުރިއަށް ނުގެންދަން އެމްޕީއެލް އިން އެމްޓީސީސީ އަށް އަންގާފައިވާކަމުގެ މައުލޫމާތު ލިބިފައިވާކަމަށްވެސް މޭޔަރ ާއތިފް ވިދާޅުވިއެވެ. އަދި އޭގެ އިތުރުން ކުޅުދުއްފުށި ރީޖިނަލް ހޮސްޕިޓަލް ގެ ކަންކަންވެސް މިހާރު ކުރިއަށް ދާތަން ނުފެންނަކަމަށާއި ހޮސްޕިޓަލަށް އެގޮތުން އީއާރ ޕްރޮޖެކްޓާއި މެންޓަލް ހެއްލތު ޔުނިގެ މަސައްކަތްވެސް ކުރިއަށްނުދާކަން އާތިފް ފާހަގަކުރެއްވިއެވެ. އެ ޕްރޮގްރާމުގައި ވާހަކަ ދައްކަވަމުން މޭޔަރު އާތިފް ވިދާޅުވީ މިވަގުތައް ކުޅުދުއްފުށީގެ ޒުވާނުންނަށް އެއްމެ މުހިއްމު އެއް ޕްރޮޖެކްޓަކީ ހައުސިން ޕްރޮޖެކްޓް ކަމަށާއި ނަމަވެސް ވެރިކަން ބަދަލުވީފަހުން އެ ޕްރޮޖެކްޓްގެ އެއްވެސް މަސައްކަތެއް ނުހިގާކަމަށެވެ. އަދި ރަށުގެ ކަރަންޓުގެ މައްސަލައަކީ ވަރަށް ބޮދު މައްސަލައެއްކަމަށާއި އެހެންކަމުން އެކަމުގެ ހައްލެއްގެ ގޮތުން އެ ސިޓީގައި ގާއިމްކުރަން ފަށާފައިވާ 25 މެގަ ވޮޓް ގެ އިންޖީނުގޭގެ މަސައްކަތްވެސް އެއްކޮށް ހުއްޓިފައިވާތީ އެކަމުގެ ވަރަށްބޮޑެތި ކަންބޮޑުވުން އެބަހުރިކަމަށެވެ.