ކުޑަ ދެ ކުދިންނަށް ޖިންސީ ގޯނާ ކުރި މީހަކު ހައްޔަރު ކޮށްފި

ދެކުނުގެ އަތޮޅަކުން ކުޑަ ދެ އަންހެން ކުދިންނަށް ޖިންސީ ގޯނާ ކުރި މީހަކު ފުލުހުން ހައްޔަރު ކޮށްފިއެވެ. ފުލުހުން ބުނީ، ސައުތު ޕޮލިސް ޑިވިޝަންގައި ހިމެނޭ އަތޮޅެއްގެ ރަށަކުން، އިތުބާރު ހުރި މަގާމެއްގައި ހުރި މީހަކު އުމުރުން 11 އަހަރުގެ އަންހެން ކުއްޖަކަށާއި އުމުރުން 7 އަހަރުގެ އަންހެން ކުއްޖަކަށް ޖިންސީ ގޯނާ ކުރި ކަމަށް ތުހުމަތު ކުރެވޭ މައްސަލައެއް މި މަހުގެ 4 ވަނަ ދުވަހުގެ ރޭ ފުލުހުންނަށް ރިޕޯޓު ކޮށްފައިވާ ކަމަށެެވެ. މި މައްސަލައާއި ގުޅިގެން 56 އަހަރުގެ ދިވެހި ފިރިހެނަކު ކޯޓު އަމުރެއްގެ ދަށުން ހައްޔަރުކޮށްފައވާ ކަމަށް ފުލުހުން ބުންޏެވެ. މި މައްސަލަ ފުލުހުން ދަނީ ތަހުގީގު ކުރަމުންނެވެ.