ކޮތަޅުން އަގުނަގަނީ ދައުލަތަށް އާމްދަނީ ހޯދާކަށްނޫން: ޝައުނާ

ޕްލާސްޓިކް ކޮތަޅުން އަގު ނަގަން  ފެށީ ދަޢުލަތަށް ޢާމްދަނީއެއް ހޯދުމަށް ނޫންކަމަށާއި، ކޮތަޅު ބޭނުންކުރާ ނިސްބަތް ދަށްވުމުން އެ ޢާމްދަނީ ސުމަކަށްދާނެކަމަށް  އެންވަޔަރަމަންޓް މިނިސްތްރު އައިމިނަތު ޝައުނާ ވިދާޅުވެއްޖެއެވެ. ޝައުނާ މިހެން ވިދާޅުވީ، ޕްލާސްޓިކް ކޮތަޅުން އަގު ނަގަން ފެށުމުން ބޮޑުވެފައިވާ މައްސަލައާ ގުޅިގެން ކުރެއްވި ޓްވީޓްތަކެއްގެ ތެރެއިން ޓްވީޓެއްގައެވެ. [embed]https://twitter.com/anuahsa/status/1650124864953659392[/embed] މިނިސްތަރު ޝައުނާ ވިދާޅުވީ، ކޮތަޅުން އަގުނަގަން ފެށީ ކޮތަޅު ބޭނުންކުރުން ހުއްޓުވާ، އެނޫންގޮތެއް ހޯދުމުގެ ބޭނުމުގައިކަމަށެވެ. އަދި މިނިސްތަރު ވަނީ ޕްލާސްޓިކުގެ ސަބަބުން ތިމާވެއްޓަށް ލިބޭ ގެއްލުމާއި ގުޅޭގޮތުން ވެސް ޓްވީޓްތަކެއް ކުރައްވާފައެވެ. ޝައުނާ ވިދަޅުވީ އެއްވެސް މީހަކު އާ ޓެކްސްއެއް ދައްކަން ބޭނުން ނުވާނެ ކަމަށާއި އެހެން ނަމަވެސް ޕްލާސްޓިކުން ލިބޭ ގެއްލުން ހުއްޓުވަން ޖެހޭކަމަށެވެ.