ކޫއްޑޫ އާއި ތިނަދޫގައި މަސްވެރިކަމުގެ ފެސިލިޓީ ގާއިމްކުރަނީ

 މިފްކޯގެ އޮތް ރަސްމިއްޔާތެއްގައި މިކަމުގެ އެއްބަސްވުމުގައި އެ ކުންފުނީގެ ފަރާތުން ސޮއިކުރެއްވީ ސީއީއޯ އިސްމާއީލް ފައުޒީ އެވެ. އެމްޓީސީސީގެ ފަރާތުން ސޮއިކުރެއްވީ ސީއީއޯ އާދަމް އާޒިމެވެ.

މި މަޝަރޫއުގެ ދަށުން އެމްޓީސީސީއާއި ހަވާލުކުރެވުނު މަސައްކަތްތައް:

• ކޫއްޑޫގައި އަލަށް ގާއިމްކުރާ ބްރައިން ފްރީޒިން ބިލްޑިންގެ ފައުންޑޭޝަނާއި ބްރައިން ޓޭންކްގެ ކޮންކްރީޓް މަސައްކަތް,

• ކޫއްޑޫގައި 50 ރީފާ ކޮންޓެއިނަރުގެ ކޮންޓެއިނާ ޔާޑެެއް ހެދުން,

• މިފްކޯގެ މަދަ ވެސަލްތައް ކޫއްޑޫއަށް ގާތްކުރުމަށް ބޭނުންވާ އަންލޯޑިން ޕްލެޓްފޯމެއް ހެދުން,

• ތިނަދޫގައި ސަރުކާރުން އަލަށް ގާއިމްކުރާ ތިނަދޫ ފިޝަރީޒް ކޮމްޕްލެކްސްގެ ފައުންޑޭޝަނާއި ބްރައިން ޓޭންކްގެ ކޮންކްރީޓް މަސައްކަތް,

• ތިނަދޫ އެފެސިލިޓީގައި ގާއިމްކުރާ އެހެނިހެން އިމާރާތްތަކުގެ ސިވިލް މަސައްކަތާއި ބަނދަރުން ބައެއް ކޮންކްރީޓް ޕޭވްކުރުމުގެ މަސައްކަތް,

މިފްކޯގެ ފަރާތުން ފައުޒީ ވިދާޅުވީ ކޫއްޑޫގައި 4،000 ޓަނުގެ މަސް ފިނިކުރާ ސްޓޯރޭޖު ގާއިމުކުރުމަށް ބަޔަކު ހޯދަމުންދާ ކަމަށާއި އެމަސައްކަތް ނިމުމުން މިފްކޯއަށް ދުވާލަކަށް މަސްގަނެވޭ މިންވަރު ވަރަށް ބޮޑަށް އިތުރުކުރޭނެ ކަމަށެވެ. "މަސްވެރިކަމުގެ މޫސުމުގައި މަސްގަތުމަށް މިހާރު ދިމާވަމުންދާ ދަތިތަކަށް އެ ފެސިލިޓީތަކާ އެކު ހައްލު ލިބޭނެ. އެ ފެސިލިޓީތަކުގެ މަސައްކަތް ނިމުމުން ދުވާލަކަށް މަސްގަނެވޭ މިންވަރު އިތުރުވެ، މަސް ރައްކާ ކުރާނެ ޖާގަ އިތުރުވެގެންދާނެ،" ފައުޒީ ވިދާޅުވި އެވެ.