ކޮމަންޑޫ އަކީ މަސައްކަތްތެރި ރަށެއް: ރައީސް

ށ. ކޮމަންޑޫ އަކީ މަސައްކަތްތެރި ރަށެއް ކަމަށް ރައީސް އިބްރާހިމް މުހައްމަދު ސޯލިހް ވިދާޅުވެއްޖެއެވެ. ރައީސް ކުރެއްްވި ޓްވީޓެއްގައި ވިދާޅުވީ ވޭތުވެދިޔަ ފަސް އަހަރުގެ ތެރޭގައި ރާއްޖެއަށް ލިބުނު ހަމަޖެހުމާއި ކޮމަންޑޫ އަށް ގެނެވޭ ތަރައްގީގެ މައްޗަށް "އުފާވެރި އަމާން ރާއްޖެ" އެއް ބިނާ ކުރުމަކީ އެމަނިކުފާނުގެ ވައުދެއް ކަމަށެވެ. [embed]https://twitter.com/ibusolih/status/1677930166033735680?s=20[/embed] ރައީސް ވަނީ ކޮމްނަޑޫ ރަށްޔިތުން މި ސަރުކާރަށް ކުރެއްވި އިތުބާރާއި، ދެއްވި ޔަގީން ކަމަށް ޝުކުރު ދަންނަވާފައެވެ. "އުފާވެރި އަމާން ރާއްޖެ" މި ޝިއާރުގެ ދަށުން ކުރިއަށް އޮތް ރިޔާސީ އިންތިހާބަށް އަތޮޅުތެރޭގެ ކެންޕޭން ރައީސް ފެއްޓެވީ ށ.ކޮމަންޑޫ އިންނެވެ. މިއަދު ރައީސް ށ. އަތޮޅަށް ކުަރައްވާ އެއް ދުވަހުގެ ދަތުރުފުޅުގައި ކޮމަންޑޫގެ އިތުރުން މަރޮއްޓާއި ނޫމަރާ އަދި ފޯކައިދޫ އަށް ވަޑައިގަތުމަށް ވަނީ ހަމަޖެހިފައެވެ.