ކެންޑަލް އާއި ބޭޑް ބަނީގެ ލޯބީގެ ގުޅުމެއް އޮވޭތަ؟

އެމެރިކާގެ މަޝްހޫރު އާއިލާއަކަށް ނިސްބަތްވާ އަދި ކާމިޔާބު މޮޑެލް ކެންޑަލް ޖެނާ އާއި ލަވަކިޔުންތެރިޔާ ބެނިޓޯ އެންޓޯނިއޯ (ބޭޑް ބަނީ)، ލޯބީގެ ގޮތުން ގުޅިގެން އޮންނަތާ ދުވަސްކޮޅެއް ވެއްޖެ ކަމަށް ރިޕޯޓްތައް ބުނެފިއެވެ. ކެންޑަލް އާއި ބޭޑް ބަނީ ރައްޓެހިވެގެން އުޅޭކަމުގެ އަޑާއެކު ނޫސްވެރިން ކުރިމަތިކުރުވި އެއްވެސް ސުވާލަކަށް އެ ދެ މީހުން ޖަވާބު ދީފައެއްނުވެއެވެ. ނަމަވެސް މައުލޫމާތު ލިބިފައިވާ ގޮތުގައި އެ ދެ މީހުންގެ ގުޅުން ފޮތުވާކަށް އެއްވެސް މަސައްކަތެއް ނުކުރެއެވެ. އުމުރުން 27 އަހަރުގެ ކެންޑަލް، އާއި 29 އަހަރުގެ ބެޑް ބަނީ ވަނީ މިދިޔަ ހުކުރު ދުވަހު އެމެރިކާގެ ލޮސް އެންޖަލަސްގައި ކުޅުނު ލޭކާސް ޕްލޭއޮފް މެޗުގައި އެކުގައި ބައިވެރިވެފައިވާކަމުގެ ފޮޓޯތަކެއް ސޯޝަލް މީޑިއާގައި އާއްމުވެފައެވެ. ގޭމްގެ ފުރަތަމަ ސަފުން ދެމީހުން ފެނިގެންގޮސްފައިވަނީ އެދެމީހުންގެ ރައްޓެހިންނާއި، ކެންޑަލްގެ ދައްތަ ކިމް ކާޑޭޝިއަން އާއި ކިމްގެ އަންހެން ދަރިފުޅު ނޯތް ވެސްޓް އާއި އެކުގައެވެ. ކެންޑަލް ލައިގެން ހުރީ ހުދު ކުލައިގެ ޓޮޕަކާއި މަޑު ކްރީމް ކުލަިއގެ ސްކާޓެކެވެ. ކަކުލާއި ހަމައަށް އަރާ ބޫޓަކާ އެކު އޭނާ ހުރީ ގޯލްޑް ކުލައިގެ އިއަރިންގްްސް އާއި ފަށެއް އަޅައިގެންނެވެ. އަދި ބޭޑް ބެނީ ފެނިގެން ގޮސްފައިވަނީ ހުދު ޓީޝާޓެއްގެ މަތިން ކަޅު ކުލައިގެ ޖެކެޓެއ ލައިގެން ހުއްޓައެވެ. އަދި ރެޕަރު ލައިގެން ހުރީ ކަޅު ފަޓުލޫނަކާއި އެއާ ގުޅޭ ކަޅު ޓޮތްޕެކެވެ. އޭނާ އެ ލޫކް ނިންމާލީ ހުދުކުލައިގެ ސްނީކަރސް ޖޯޑަކުންނެވެ. އެންމެ ފަހުން އެދެމީހުން އެކުގައި ފެނިފައިވަނީ މީގެ ހަފްތާއެއްހާ ދުވަސް ކުރިން އެމެރިކާގެ ނިއު ޔޯކްގައި ބޭއްވި މެޓް ގާލާގެ އާފްޓާ ޕާޓީގެ ރެޑް ކާޕެޓް މަތިންނެވެ.