
ކެލާފަޅުގައި ރިސޯޓެއް ތަރައްޤީކޮށްދެއްވާނެ ކަމުގެ ޔަގީންކަން ރައީސް ދެއްވައިފި
ކެލާފަޅުގައި ރިސޯޓެއް ތަރައްޤީކޮށްދެއްވާނެ ކަމުގެ ޔަގީންކަން ރައީސް ދެއްވައިފި
ލިޔުން:
ހއ.ކެލާ ފަޅުގައި ރިސޯޓެއް ތަރައްޤީކޮށްދެއްވާނޭކަމުގެ ޔަގީންކަން އެރަށުގެ ރައްޔިތުންނަށް، ރައީސުލްޖުމްހޫރިއްޔާ ޑރ.މުހައްމަދު މުއިއްޒު މިއަދު ދެއްވައިފިއެވެ.
ރައީސުލްޖުމްހޫރިއްޔާ އުތުރުގެ އަތޮޅުތަކަށް މިހާރު ފައްޓަވާފައިވާ ދަތުރުފުޅުގައި މިއަދު ހއ.ކެލައަށް ވަޑައިގެން އެރަށުގެ ރައްޔިތުންނާ ބައްދަލުކޮށްލެއްވުމަށް ބޭއްވި ޖަލްސާގައި ވާހަކަދައްކަވަމުން ރައީސް ޑރ.މުއިއްޒު ވިދާޅުވީ، ކެލާގެ ތަރައްޤީއަށް ރަށުގެ ރައްޔިތުން އެދުނު ކަންކަމަކީ ވައުދުވެފައިވާގޮތަށް ފުއްދާނޭ ކަންކަން ކަމަށާއި، މިހާރު އެޔަގީންކަން މާބޮޑަށް ދެއްވާކަމަށެވެ.
ރައީސް ވިދާޅުވީ ކެލާ ތަރައްޤީއަށް ޓޫރިޒަމް ތަރައްޤީކުރުމަކީ ވަރަށް މުހިއްމު ކަމެއް ކަމަށާއި، އެއީ އެންމެ މުހިއްމު މަޝްރޫއުކަމަށެވެ. ކެލާފަޅުގައި ރިސޯޓެއް ތައްރައްޤީކޮށްދެއްވާނޭކަމުގެ ޔަގީންކަން ދެއްވަމުން ރައީސް ވިދާޅުވީ، ކެލާ ފަޅުގައި ޓޫރިޒަމް ތަރައްޤީކުރުމުން އެކަމުގެ ފައިދާ ލިބިގެންދާނީ ހަމައެކަނި ކެލާގެ ރައްޔިތުންނަށް ނޫންކަމށެވެ. އެކަމުގެ ސަބަބުން އަތޮޅުގެ އެހެން ރަށްތަކަށްވެސް ބޮޑެތި ފައިދާތަކެއް ލިބިގެންދާނޭކަން ރައީސް ފާހަގަކުރެއްވިއެވެ.
https://twitter.com/presidencymv/status/1761718736569192835
ކެލައަކީ ދަނޑުވެރިކަންވެސް ކުރާ ރަށެއްކަން ފާހަގަކުރައްވަމުން ރައީސް ވިދާޅުވީ މި ރަށުގެ ދަނޑުވެރިންނަށް ދަނޑުވެރިކަން ކުރުމަށް ބޭނުންވާ ވަސީލަތްތައް ގާއިމްކޮށްދޭން ޖެހޭ ކަމަށެވެ. ރާއްޖޭގެ ފުޑްސެކިއުރެޓީ ގާއިމްކުރުމުގެ ގޮތުން ރާއްޖޭގައި ހައްދާ ބާވަތްތައް އިތުރުކޮށް ކާބޯތަކެތީގެ ޔަގީންކަން ކަށަވަރު ކުރުމަކީ މި ސަރުކާރުގެ ސިޔާސަތެއް ކަމަށާއި، މި އަމާޒަށް ވާސިލްވުމަށްޓަކައި ކެލާ ފަދަ ރަށްރަށް ވަރަށް މުހިއްމުކަމަށް ރައީސް ވިދާޅުވިއެވެ.
ރައީސް ވަނީ ކެލާގެ ދަނޑުވެރިކަން ފުޅާކުރުމުގެ ގޮތުން ދަނޑުވެރިކަމާ ބެހޭ ވުޒާރާ މެދުވެރިކޮށް އެރަށުގެ ދަނޑުވެރިންނަށް ކުރިއަށް އޮތްތަނުގައި ގިނަ ކަންކަން ފަހިކޮށްދެއްވަމުން ދާނޭކަމަށް ވިދާޅުވެފައެވެ.
ކިޔުންތެރިންގެ ސަމާލުކަމަށް

އަބްދުﷲ ޝާހިދުގެ ބަންދަށް 30 ދުވަސް ޖަހައި

މަސްތުވާތަކެތީގެ މައްސަލައެއްގައި އަންހެނަކާ 3 ފިރިހެނަކު މާލެއިން ހައްޔަރުކޮށްފި

ކުޑަ ކުއްޖަކާ ބެހުނު މައްސަލައެއްގައި އަބްދުﷲ ޝާހިދު ހައްޔަރުކޮށްފި

ރަތްޔިތުންގެ ވޯޓަކާ ނުލައި ރަސްމާލެ ވިއްކާލާނަމަ އިހުތިޖާޖުކުރަން އެމްޑީޕީ އިން ނިންމައިފި

އިޓްލޮސް މައްސަލާގައި ކަނޑުން ބައެއް ގެއްލުނީ އިހުމާލުންތޯ ބަލަން ކޮމިޝަނެއް އުފައްދައިފި

ސްކޭމްކޮށްގެން ފައިސާ ފޭރޭ ކަމުގެ ތުހުމަތުގައި 4 މީހަކު ހައްޔަރުކޮށްފި
ޚިޔާލުތައް (0)
މި ލިޔުމަށް އަދި އެއްވެސް ޚިޔާލެއް ޝާއިޢުކުރެވިފައެއް ނެތް. ފުރަތަމަ ޚިޔާލު ފާޅުކުރައްވާ ފަރާތަކަށް ވެލައްވާ!
