ކާށި ހުސްވެގެން މާލެ ސިޓީ ކައުންސިލުން ކާށިބެހުން މެދުކަނޑާލައިފި

ދިވެހި ރައްޔިތުންނަށް ޗަމްޕާ ބްރަދާސްގެ ފަރާތުން ހަދިޔާކޮށްގެން މާލެ ސިޓީ ކައުންސިލުން ބަހަމުން ދިޔަ ކާށި ހުސްވެެގެން، ކާށިބެހުން މެދުކަނޑާލައިފިއެވެ. މާލެ ސިޓީ ކައުންސިލުން ބުނީ މިވަގުތަށް ކާށި ހުސްވެފައިވާތީ ، ބެހުން މެދުކަނޑާލި ނަމަވެސް އަދި ފަހުން އިތުރު ކާށި ލިބުމުން ކާށިބެހުން ކުރިއަށްދާނެކަމަށެވެ. " ފަހުން އިއުލާން ކުރާނެ ދެން ބަހާނެ ތާރީހެއް " މާލެ ސިޓި ކައުންސިލުގެ މީޑިއާ އޮފިޝަލް ވިދާޅުވިއެވެ. މިމަހު 17 އިން ފެށިގެން މާލެ ސިޓީ ކައުންސިލުން، އައިޑިކާޑު ހިފައިގެން ދާ ކޮންމާ މީހަކަށް 10 ކާށި، ބަހާފައިވެއެވެ. ކާށިބެހުން ކުރިއަށް ދިޔައީ  މާލެސިޓީ ކައުންސިލުގެ އާންމު ހިދުމަތްތަކާއި ބެހޭބައި، ތައިސޭ ކޮށީގައެވެ.