ޖަލު އޮފިސަރުން ހޯދަން އިއުލާންކޮށްފި

ޖަލުތަކުގައި މަސައްކަތްކުރާނެ ޕްރިޒަން އޮފިސަރުން ހޯދަން ކަރެކްޝަނަލް ސާވިސް އިން އިއުލާންކޮށްފި އެވެ. އެ މަގާމުތަކަށް ޝައުގުވެރިވާ އުމުރުން 18-30 އަހަރާ ދެމެދުގެ މީހުންނަށް އެޕްލައި ކުރުމުގެ ފުރުސަތު މި މަހުގެ 31 ވަނަ ދުވަހާ ހަމައަށް ހުޅުވާލާފައިވާ ކަމަށް އެތަނުން ބުނެއެވެ. ޕްރިޒަން އޮފިޒަރުންގެ އަސާސީ ފެންވަރަކީ ގްރޭޑް 10 ނިންމާފައިވުމެވެ. ޕްރިޒަން އޮފިސަރުންގެ އަަސާސީ މުސާރަ އަކީ މަހަކު 6،050ރ. ކަމަށާއި، އޭގެ އިތުރުން ހުވާކުރުމަށް ފަހު ސާވިސް އެލަވަންސްގެ ގޮތުގައި 3،500ރ އާއި ލިވިން އެލަވެންސްގެ ގޮތުގައި 2،500ރ. ލިބޭނެ އެވެ. އަދި ނޮން-ޕްރެކްޓިސް އެލަވަންސްގެ ގޮތުގައި މުސާރައިގެ 45 އިންސައްތަ (2،722ރ.)، ޔުނިފޯމް އެލަވަންސްގެ ގޮތުގައި ވަޒީފާ އަށް ނިކުންނަށް ދުވަހުން ފެށިގެން ކޮންމެ މަހަކު 300ރ. ލިބޭނެ އެވެ. މި ވަޒީފާއަށް ނަގާ މީހުން މަސައްކަތް ކުރާނީ މާފުށި ޖަލާއި މާލެ ޖަލާއި އައްސޭރި ޖަލުގެ އިތުރުން ހުޅުމާލެ ޖަލުގައި ކަމަށް ކަރެކްޝަނަލް ސާވިސް އިން ބުންޏެވެ. ވޭތުވެ ދިޔަ އަހަރުވެސް ވަނީ ގިނަ އަދަދެއްގެ އޮފިސަރުން ތަމްރީނުކޮށްފައެވެ.