ޖާބިރުގެ ނަން އިއްވުމުން މަޖިލީހުން ނުކުމެވަޑައިގެންނެވި

ރައްޔިތުންގެ މަޖިލީހުގެ ތަޅުމުގައި އަޑުގަދަކުރާތީ ކާށިދޫ ދައިރާގެ މެމްބަރު ޖާބިރުގެ ނަން އިއްވުމުން މަޖިލީހުން ނުކުމެވަޑައިގެންފިއެވެ. މަޖިލީހުގައި ކުރިއަށްދިޔަ ބަހުސްގައި ޖާބިރު ވަނީ ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހް އާއި މަޖިލީހުގެ ރައީސް މުހައްމަދު ނަޝީދަށް ކާމިޔާބު އޮތީ ވާހަކަ ދައްކައިގެން ކަމަށް ވިދާޅުވެފަ އެވެ. ރަށްދުގައި އެތަނަށް ހުށަހެޅިފައި އޮތް މައްސަލައާއި ބެހޭ ގޮތުން ވާހަކަގެއްވުމަށް މަޖިލީހުގެ ރައީސް މުހައްމަދު ނަޝީދު އެދިވަޑައިގަތުމުން ޖާބިރު ވަނީ އަޑުގަދަ ކުރައްވާ މަޖިލީހުގެ ރައީސް ނަޝީދުގެ އިސްތިއުފާއަށް ގޮވާލާފަ އެވެ. ޖާބިރުގެ ނަން އިއްވީ މަޖިލިސް ދޫކުރައްވާ ވަޑައިގަންނަވަނިކޮށެވެ. މަޖިލީހުގެ ދެވަނަ ދައުރުގެ ފުރަތަމަ ޖަލްސާ މިއަދު ކުރިޔަށްދާއިރު، މަޖިލީހުގައި އަޑުގަދަކުރުމުން އައްޑޫމީދޫ ދާއިރާގެ މެންބަރު ރޮޒައިނާ އާދަމްގެ ނަން ވެސް ވަނީ އިއްވާފައެވެ. ހުސް ވަގުތުކޮޅަކަށްފަހު މަޖިލިސް ފެށިއިރުވެސް ރޮޒައިނާ މަޖިލީހުން ނުނިކުންނެވުމުން ރައީސް ނަޝީދު ވަނީ ރޮޒައިނާގެ ނަން އަލުން އިއްވަވާފަ އެވެ.