އިންތިހާބު ފަސްކުރާ ބިލް އަވަސް ކުރުމަށް އެމްޑީޕީގެ ޗެއާޕާސަން ގޮވާލައްވައިފި

ރޯދަ މަސް ނިމޭތާ 10 ދުވަސް ފަހުން އިންތިހާބު ބާއްވަންޖެހޭ ގޮތަށް ފާސްކުރި ބިލު ތަސްދީގުކުރުން އަވަސްކުރުމަށް އެމްޑީޕީގެ ޗެއާޕާސަން ފައްޔާޒު އިސްމާއީލް ގޮވާލައްވައިފި އެވެ. މިއަދު އެކްސްގައި ކުރެއްވި ޕޯސްޓެއްގައި ފައްޔާޒް ވިދާޅުވީ، އިންތިހާބު ފަސްކުރުމަށް ފާސްކުރި ބިލު ވަގުތުން ތަސްދީގުކުރަން ޖެހޭ ކަމަށެވެ.

"އިންތިހާބުތައް ބާއްވަންވާނީ ރައްޔިތުންގެ ބައިވެރިވުން ބޮޑު ވާނޭ ގޮތް ބަލައިގެން. ރައްޔިތުންގެ ވަކީލުން ހޮވުމުގެ އިންތިހާބު ރަމަޟާންމަހު ބޭއްވީމާ އެ ދަތިކުރެވެނީ ވޯޓުދިނުމުގެ އަސާސީ ހައްގުގެ ބޭނުންކުރުމަށް." ފައްޔާޒުގެ  ޕޯސްޓްގައި ވިދާޅުވެ އެވެ.

ރައްޔިތުންގެ މަޖިލީހުގެ އިންތިހާބު ބާއްވަން އިލެކްޝަންސް އިން ކަނޑައަޅާފައިވާ ތާރީހަކީ މާޗު 17 އެވެ. އެއީ ރޯދަމަހުގެ ހަތްވަނަ ދުވަހެވެ. އެމްޑިޕީއިން ހުށަހަޅާފައި ވަނީ ރޯދަ މަސް ނިމި ދިހަ ދުވަސް ފަހުން އިންތިހާބު ބޭއްވުމަށެވެ. އެކަމާ ގުޅިގެން އިލެކްޝަންސް ކޮމިޝަނުން ބުނެފައިވަނީ، ރޯދައިގެ 10 ދުވަސް ފަހުން ބާއްވައިފިނަމަ, ވޯޓު ގުނުމަށްފަހު ދާއިމީ ނަތީޖާ އިއުލާނުކޮށް, އިންތިހާބުގެ ހުރިހާ ކަމެއް ނިންމަން ލިބޭ މުއްދަތު ވަރަށް ކުރުވުމުން ދަތިވާނެ ކަމަށެވެ. ނަމަވެސް ހަރޯދައިގެ ފަހުން އިންތިހާބު ބޭއްވުމަށް ގާނޫނަށް އިސްލާހު ގެނެސްފިނަމަ އެގޮތަށް އިންތިހާބު ބާއްވަން ތައްޔާރަށް ތިބިކަމަށް އިސީއިން ވަނީ ބުނެފައެވެ.