އިންޑިއާގެ އެހީގައި ކުރިއަށް ގެންދިޔަ ހަންކެޑެ ބްރިޖާއި އައްޑޫގެ ބިން ހިއްކުން ނިންމައި ސަރުކާރާ ޙަވާލުކޮށްފި

އިންޑިއާގެ އެހީގައި އައްޑޫގައި ހިންގަމުންއަން ތަރައްގީގެ މަޝްރޫޢުތަކުގެ ތެރެއިން ހަންކެޑެ ބުރިޖާއި ހިތަދުއާއި މަރަދޫ އަދި މަރަދޫ ފޭދޫގެ ބިން ހިއްކުން ނިންމައި ސަރުކާރާ މިއަދު ޙަވާލކޮށްފިއެވެ. އިންޑިއާގެ އެގްޒިމް ބޭންކުގެ ލައިން އޮފް ކުރެޑިޓް ފެސިލިޓީގެ ދަށުން ރާއްޖޭގެ ގިނަ ރަށްތަކެއްގައި ތަރައްގީގެ ގިނަ މަޝްރޫޢުތަކެއް ހިންގަމުން އަންނައިރު އައްޑޫގައި 12 މަޝްރޫއެއް ދަނީ ހިންގަަމުންނެވެ. އެގޮތުން މިއަދު ނިންމުންފާހަގަކުރި ބިންހިއްކުމުގެ މަޝްރޫޢުގެ ތެރެއިން ހިތަދޫ އާއި މަރަދޫ އަދި މަރަދޫފޭދޫ އަށް ޖުމްލަ 190 ހެކްޓަރުގެ ބިން ވަނީ އިތުރުކޮށްފައެވެ. އަދި އޭގެ އިތުރުން އައްޑޫ ފަޅުގެ ސަރަޙައްދުގައި ޓޫރިޒަމް ފުޅާކުރުމަށްޓަކައި 8.3 ހެކްޓަރުގެ 3 ރަށް ހިއްކައި ހިތަދޫ އާއި މަރަދޫ ފޭދޫ އަދި ލިންކް ރޯޑު ސަރަހައްދުން ވަނީ ރިވެޓްމެންޓް ޖަހައިފައެވެ. އެ މަޝްރޫޢު ތަކުގެތެރެއިން ބިިންހިއްކުމާއި ހަންކެޑެ ބްރިޖުގެ މަސައްކަތުގެ ނިމުން ފާހަގަކުރުމަށް އައްޑޫ ހިތަދޫގައި ހުންނަ އައްޑޫ ހައި ސްކޫލުގައި މިއަދު ބޭއްވި ރަސްމިއްޔާތުގައި އިންޑިއާގެ އެކްސްޓާނަލް އެފެއާޒް މިނިސްޓަރ ޑރ.ސްބްރަމާނިއަމް ޖައެޝަންކަރު ވިދާޅުވީ، ވާތިވެދިޔަ 3 އަހަރުގެ ތެރޭގައި އެގައުމުން ވަނީ 220 މިލިއަން ޑޮލަރުގެ މަޝްރޫއުތައް އައްޑޫގައި ކުރިއަށް ގެންގޮސްފައިކަމަށާއި، އަދި މިވަގުތުވެސް އިންޑިއާގެ އެހީގައި ރާއްޖޭގެ އެކި ސަރަޙައްދުތަކުގައި ޖުމްލަ 65 މަޝްރޫއެއް ކުރިއަށްދާކަމަށެވެ.