ހުޅުމާލޭގައި ހިނގި އެކްސިޑެންޓްގައި އަނިޔާވިި ޒުވާނާގެ ހާލު ސީރިއަސް

އިއްޔެ ހަވީރު ހުޅުމާލޭ ދެވަނަ ފިޔަވަހީގައި ހިނގި އެކްސިޑެންޓްގައި އަނިޔާވި ޒުވާނާގެ ހާލު ވަރަށް ސީރިއަސް ކަމަށް ފުލުހުން ބުނެފިއެވެ. އިއްޔެގެ އެކްސިޑެންޓްގައި އަނިޔާވެފައި ވަނީ 20 އަހަރުގެ ޒުވާން ފިރިހެނެކެވެ. އޭނާ ނިޔާވެފައިވާ ކަމަށް މީސް މީޑިއާތަކުގައި ހަބަރު ފެތުރިފައިވީ ނަމަވެސް ފުލުހުން އެކަން ދޮގުކޮށް  ބުނީ އޭނާ ނިޔާނުވާ ކަމަށެވެ. އެހެންނަމަވެސް އެނާގެ ހާލު ވަރަށް ސީރިއަސް ކަމަށް މައުލޫމާތު ލިބިފައިވާ ކަމަށް ފުލުހުން ބުންޏެވެ. އިއްޔެ ހަވީރު 15:17 ކަންހާއިރު އެ އެކްސިޑެންޓް ހިނގީ ޕިކަޕަކާއި ސައިކަލެއް ޖެހިގެންނެވެ. އެ އެކްސިޑެންޓްގައި އެޒުވާނާގެ ބޯ ފަޅައިގެންގޮސް ގިނައަދަދެއްގެ ލޭ މަގުމަތީގައި ހުރިކަމަށް އެސަރަހައްދުގައި ހުރި މީހަކު މައުލޫމާތުދިނެވެ. ފުލުހުން ބުނީ އެ އެކްސިޑެންޓާއި ގުޅިގެން ބަލަން ޖެހޭ ކަންކަން ދަނީ ބަލަމުން ކަމަށެވެ.