ހުޅުމާލެ ފޮލިސް ސްޓޭޝަނަށް ގެއްލުންދިން މީހަކު ފުލުހުން ހައްޔަރުކޮށްފި

ހުޅުމާލެ ފޮލިސް ސްޓޭޝަނަށް ގެއްލުންދިންމީހަކު ފުލުހުން ހައްޔަރުކޮށްފިއެވެ. ހުޅުމާލެ ފޭސް 1 ގައި ހުންނަ ފުލުހުންގެ މަރުކަޒުގެ ދޮރުގެ ބިލްލޫރިގަނޑު ތަޅާލި މީހަކު ރޭ ފަތިހު 4:15 ގައި ފުލުހުން ހައްޔަރުކޮސްފައިވާކަމަށް ބުނެފިއެވެ. އެ މައްސަލާގައި ފުލުހުން ހައްޔަރުކޮށްފައިވަނީ ކ.މާލެ، ހ.ހެމަވަތި ޒައިދާން މުހައްމަދު ޒާހިރު އެވެ. އޭނާ ހައްޔަރުކޮށް ބަލައި ފާސްކުރުމުގެ ތެރެއިން އޭނާ ލައިގެންހުރި ޖިންސުގެ ޖީބުން މަސްތުވާތަކެތިކަމަށް ޝައްކުކުރެވޭ އެއްޗެއްހުރި ރަބަރިު ކޮތަޅެއް ވެސް ފެނިފައިވާކަމަށް ފުލުހުން ވަނީ ބުނެފައެވެ. އެހެންކަމުން ފުލުހުންގެ މަރުކަޒަށް ގެއްލުން ދިންމައްސަލައާއި މަސްތުވާތަކެތި ކަމަށް ބެލެވޭ އެއްޗެއް ޒައިދާން ގެ އަތުން ފެނުނު މައްސަލަ އިތުރަށް ތަހުގީގުކުރަމުންދާކަމަށް ފުލުހުން ވަނީ ބުނެފައެވެ.