ހުޅުމާލެ ފޭސް 2 އިން މަސްތުވާ ތަކެއްޗާއެކު 2 މީހަކު ހައްޔަރުކޮށްފި

ހުޅުމާލެ ފޭސް 2 ގެ މަގުމަތިން ޝައްކުކުރެވިގެން ބަލައި ފާސްކުރި ސައިކަލެއްގެ މަޑިދަށުން މަސްތުވާތަކެތި ފެނިގެން 2 މީހަކު ރޭ ދަންވަރު ހައްޔަރުކޮސްފައިވާކަމަށް ފުލުހުން ބުނެފިއެވެ. ފުލުހުން ބުނެފައިވަނީ އެ ދެމީހުން ހައްޔަރުކޮށްފައިވަނީ ހުޅުމާލެ ފޭސް 2 ގެ ފުލުހުން ރޭ 2:40 އެހައިކަންހާއިރު ޕެޓްރޯލުކުރަމުން ދަނިކޮށް އެ 2 މީހުންގެ އަމަލުތައް ހުރިގޮތުން ތުހުމަތުކުރެވިގެން ހުއްޓުވައި ބަލައިފާސްކުރުމުގެ ތެރޭގައި އެމީހުން ދުއްވި ސައިކަލުގެ މަޑިދަށުން މަސްތުވާތަކެތިކަމަށް ބެލެވޭ އެއްޗެއްހުރި އަޅާފައި ހުރި ކޮތަޅުތަކެއް ފެނިގެންކަމަށެވެ. ފުލުހުން ހާމަކޮށްފައިވާ ގޮތުގައި އެ މައްސަލައާ ގުޅިގެން ހައްޔަރުކޮށްފައިވަނީ 47 އަހަރުގެ ދިވެހި ފިރިހެނަކާއި 34 އަހަރުގެ ބިދޭސީ ފިރިހެނެކެވެ. އަދި އެ މައްސަލައާ ގުޅިގެން ތަހުގީގަށް އެމީހުން ބަންދާމެދު ގޮތެއް ނިންމުމަށް ހުޅުމާލެ މެޖިސްޓްރޭޓް ކޯޓަށް ހާޒިރުކުރުމުން 15 ދުވަހަށް ބަންދުކުރުމަށްއަމުރުކޮށްފައިވާކަމަށްވެސް ބުނެފައިވެއެވެ.