ހިޔާ ސަރަހައްދު ސާފުކުރުމަށާއި ސެކިއުރިޓީ ބަލަހައްޓަން 136 މީހަކު ހޯދަނީ

ހުޅުމާލޭ ހިޔާ ފްލެޓް ސަރަހައްދު ބަލަހައްޓަން 136 މީހަކު ހޯދަން ހައުސިންގ ޑިވެލޮޕްމެންޓް ކޯޕަރޭޝަން (އެޗްޑީސީ) އިން އިއުލާނު ކޮށްފިއެވެ. އެޗްޑީސީގެ އިއުލާނުގައި ބުނެފައި ވަނީ ހިޔާ ސަރަހައްދު ސާފު ކުރުމަށް 48 މީހަކު ބޭނުންވާ ކަމަށާއި އަދި ހިޔާ ސަރަހައްދުގެ ސެކިއުރިޓީ ބަލަހަށްޓަން 88 މީހަކު ބޭނުންވާ ކަމަށެވެ. 10،500ރ ގެ މުސާރައަށް ހުޅުވާލި މި ވަޒީފާއަށް ޝައުގުވެރިވާ ފަރާތް ތަކުން މިމަހުގެ 10 ވަނަ ދުވަހުގެ ކުރިން ވަޒީފާގެ ތަޖުރިބާގެ ލިއުން ތަކާއި، ތައުލީމީ ފެންވަރުގެ ލިއުން ތަކުގެ އިތުރުން ދިވެހި ރައްޔިތެއްކަން އަންގައިދޭ ކާޑްގެ ކޮޕީ އާއެކު ސީވީ އެ އިދާރާ އަށް ހުށަހެޅުމަށް ވަނީ އެދިފައެވެ.