ހިދުމަތް މެދުކެނޑިފައިވާ ފަރާތްތަކަށް އަލުން ހިދުމަތް ދެވޭނީ މައުލޫމާތު އަޕްޑޭޓް ކުރުމުން: ވެމްކޯ

ހިދުމަތް މެދުކެނޑިފައިވާ ފަރާތްތަކަށް އަލުން ހިދުމަތް ދެވޭނީ މައުލޫމާތު އަޕްޑޭޓް ކުރުމާއިއެކު ސާވިސް އެޕްލިކޭޝަން ފޯމް ހުށަހެޅުމުން ކަމަށް ވޭސްޓް މެނޭޖްމެންޓް ކޯޕަރޭޝަން (ވެމްކޯ) އިން ބުނެފިއެވެ. ވެމްކޯއިން ކުރި އިއުލާނެއްގައި ބުނީ ކަސްޓަމަރުންގެ މައުލޫމާތު އަޕްޑޭޓްކޮށް ސާވިސް އެޕްލިކޭޝަން ފޯމް އެ ކޯފަރޭޝަންގެ ވެބްސައިޓުން "ވެމްކޯ އޮންލައިން" މެދުވެރިކޮށް ހުށަހެޅޭނެ ކަމަށެވެ. [embed]https://twitter.com/WAMCOmv/status/1656245616564142083?s=20[/embed] ކުނިނެގުމުގެ އަގެއްގެ ގޮތުގައި ވެމްކޯ އިން ކަނޑައަޅާފައި ވަނީ ދުވާލަކަށް 4.93ރ. އެވެ. ކަރަންޓު ބިލް އަންނައިރު، ބިލްގެ މުއްދަތަށްވާ ފައިސާ އެ ބިލުގައި ހިމަނާގޮތަށް ވެމްކޯއިން ވަނީ ހަަމަޖައްށާފައެވެ. މި ބަދަލު ސަރުކާރުން ގެނައީ ވެމްކޯ އަށް ގިނަ މީހުން ބިލް ނުދައްކާ މައްސަލަ ބޮޑުވެ، އެކަމަށް ހައްލެއް ހޯދުމުގެ ގޮތުންނެވެ.