ހިތަދޫ ގެއެއްގައި ރޯވެ މީހަކު ފިހިއްޖެ

އައްޑޫ ހިތަދޫ ގެއެއްގައި އަލިފާނުގެ ހާދިސާއެއް ހިނގާ އެ ގޭގައި ދިރިއުޅެމުން ދިޔަ މީހަކު ފިހިއްޖެ އެވެ. އެމްއެންޑީއެފުން ބުނީ ހިތަދޫ 'ކުޅިބަލާބޭ' ގޭގައި އަލިފާން ރޯވެގެން އުޅޭކަމުގެ ރިޕޯޓް ފަތިހު 4:10 ހާއިރު ލިބިފައިވާ ކަމަށެވެ. އަދި ހިތަދޫ ފަޔާ ސްޓޭޝަންގެ މަސައްކަތުން އެ އަލިފާންގަނޑު ނިއްވާލެވުނީ ފަތިހު 5:45 ގައި ކަމަށްވެސް އެމްއެންޑީއެފުން ވަނީ ބުނެފަ އެވެ. މި ހާދިސާގައި ފިހިފައިވަނީ ހާދިސާ ހިނގި ވަގުތު ގޭގައި އުޅެމުން ދިޔަ ފިރިހެނަކަށެވެ. އޭނާގެ އަތާއި ފައިގެ އެކި ތަންތަނުން ފިހިފައިވީ ނަމަވެސް ސީރިއަސް އެއްވެސް ގެއްލުމެއް ނުވެ އެވެ. [caption id="attachment_94117" align="alignnone" width="300"] ހިތަދީ 'ކުޅިބަލާބޭ' ގޭގައި އަލިފާން ރޯވެ އަނދާފައި. -- ފޮޓޯ: އެމްއެންޑީއެފް[/caption] އަލިފާން ރޯވި 'ކުޅިބަލާބޭ' ގޭގައި ހުރި ހިފާ ގެންގުޅޭ ތަކެތި އަނދާ ގެއަށްވަނީ ބޮޑެތި ގެއްލުންތަކެއް ލިބިފަ އެވެ. ކުޅިބަލާބޭގޭގައި އަލިފާން ރޯވާން ދިމާވި ސަބަބެއް އެމްއެންޑީއެފުން އަދި ހާމައެއް ނުކުރެ އެވެ.