ހަފީޒު ގައިގައި ސައިކަލުން ޖެއްސި ކަމަށް ތުހުމަތު ކުރި މީހާ ޝަރުތުތަކާއެކު ބަންދުން ދޫކޮށްލައިފި

މަޖީދީ މަގު، ރެޑްވޭވް ކައިރިން ހިނގާފައި ދަނިކޮށް ބާރު ސްޕީޑެއްގައި ދުއްވާފައި ދިޔަ ސައިކަލަކުން ޖެހި އެކްސިޑެންޓްވެ ޒަހަމްވި ގައުމީ ޔުނިވާސިޓީގެ ލެކްޗަރު އަލީ ހަފީޒް ގައިގައި ސައިކަލުން ޖެއްސި ކަމަށް ތުހުމަތުކުރެވޭ މީހާ ޝަރުތުތަކަކާއި އެކު ބަންދުން ދޫކޮށްލުމަށް ކުރިމިނަލް ކޯޓުން އަމުރުކޮށްފިއެވެ. މި ހާދިސާގައި ސައިކަލު ދުއްވަން އިން އުމުރުން 22 އަހަރުގެ ރ. އިނގުރައިދޫ، ލެގޫން ވިއު، ޝަމްއާން ހައްޔަރު މޮށްފައިވަނީ މިދިޔަ ޖުލައި މަހުގެ 3 ވަނަ ދުވަހު އެވެ. ޝަމްއާން ގެ ބަންދާ މެދު ގޮތެއް ނިންމުމަށް ފުރަތަމަ ފަހަރަށް ކްރިމިނަލް ކޯޓަށް ހާޒިރު ކުރީ މިދިޔަ މަހުގެ 4 ވަނަ ދުވަހު އެވެ. ފުރަތަމަ ފަހަރަށް އޭނާގެ ބަންދަށް ވަނީ 15 ދުވަސް ޖަހައިފައެވެ. 15 ދުވަހުގެ މުއްދަތަށް ފަހު ދެވަނަ ފަހަރަށް ކޯޓަށް ހާޒިރު ކުރުމުން އިތުރު 15 ދހުވަހުގެ ބަނދުގެ މުއްދަތު ވަނީ ޖަހާފައެވެ. ތިިން ވަނަ ފަހަރަށް ކޯޓަށް ހާޒިރުކުރުމުން ފުލުހުން ވަނީ ޝަރުތުތަކާ އެކު އޭނާ ދޫކޮށްލުމަށް ކޯޓުގައި އެދިފައެވެ. އެގޮތުން އޭނާ ވަނީ ޝަރުތުތަކާ އެކު ދޫކޮށްލާފައެވެ. މި ހާދިސާ ހިނގި އިރު އޭނާގެ އަތުގައި ސައިކަލު ދުއްވުމުގެ ލައިސަންސެއް ނެތް ކަމަށް ފުލުހުން ވަނީ ބުނެފައެވެ. މި ހާދިސާ ގައި އަނިޔާވި ހާފިޒް އަށް އޭޑީކޭ ހޮސްޕިޓަލުގައި ފަރުވާ ދިނުމަށް ފަހު އިތުރު ފަރުވާ އަށް އޭނާ ވަނީ އިންޑިއާއަށް މިދިޔަ މަހުގެ 4 ވަނަ ދުވަހު ފުރުވާލާފައެވެ.