މިއަދު ހެނދުނު 8:00 ން ފެށިގެން ކުރިއަށްދާ ރައްޔިތުންގެ މަޖިލީހުގެ ގުރައިދޫ ދާއިރާގެ ބައި-އިލެކްޝަންގެ ވޯޓުލުމުގެގ ވަގުތު އެއްގަޑި އިރު އިތުރުކޮށްފިއެވެ.
އިލެކްޝަންސް ކޮމިޝަނުން ބުނީ ވަގުތު އިތުރު ކޮށްފައި ވަނީ މޫސުން ގޯސްވުމުގެ ސަބަބުން ވޯޓުލާން ދިއުމަށް އުނދަގޫވެފައިވާތީކަމަށެވެ. "މިއަދު ކުރިއަށްދާ ރައްޔިތުންގެ މަޖިލީހުގެ ގުރައިދޫ ދާއިރާގެ ބައި-އިލެކްޝަންގައި، ވޯޓުނެގުމަށް ހަމަޖެހިފައިވާ ވަގުތުގައި މޫސުން ގޯސްވުމުގެ ސަބަބުން ވޯޓުލާން ދިޔުމަށް ދަތިވެފައިވާތީ، ވޯޓުލުމުގެ ވަގުތު މިއަދު 17:00އަށް އިތުރުކުރެވިފައިވާ ވާހަކަ ދަންނަވަން." އިލެކްޝަނުން ކުރި ޓްވީޓެއްގަިއ ބުންޏެވެ. ގުރައިދޫ ދާއިރާގެ ތިން ރަށް، ގުރައިދޫ އާއި މާފުއްޓާއި ގުޅީގެ އިތުރުން މާލޭގެ އިއްޒުންދީން ސްކޫލުގައި ވޯޓުފޮށި ބަހަށްޓައިގެން ކުރިއަށްދާ މި އިލެކްޝަނުގައި ، މިއަދުގެ 14:00 އާ ހަމައަށް 1766 މީހުން ވޯޓުލާފައިވެއެވެ. އެވަގުތު ބާކީ ވޯޓުނުލާ ތިބީ 1675 މީހުނެވެ.ގުރައިދޫ ދާއިރާގެ ބައި އިލެކްޝަން ބާއްވަނީ އެ ދާއިރާ ތަމްސީލު ކުރެއްވި ގުރައިދޫ ދާއިރާގެ މެމްބަރު އިބްރާހިމް ރިޒާ މިދިޔަ ފެބްރުއަރީ މަހު، އަވަހާރަވުމުންނެވެ.
މިއަދު ކުރިއަށްދާ އިލެކްޝަނުގައި 3 ޕާޓީއަކުން ވާދަކުރި އެވެ. އެއީ ޕީޕީއެމްގެ ޓިކެޓުގައި ހުސެއިން ރިޒާ އާއި އެމްޑީޕީން އިބްރާހިމް ޝާޒް އަދި އެމްއެންޕީން އަލީ އަރީފެވެ.
