ގުގުރުމާއެކު ބޯކޮށް ވާރޭ ވެހޭނެކަމަށް ލަފާކޮށް ށ އަތޮޅުއިން ވ އޮތޮޅަށް ރީނދޫ އެލާޓް ނެރެފިއެވެ.
މޫސުމާ ބެހޭ އިދާރާ މޯލްޑިވްސް މީޓިއޮރޮލިޖިކަލް ސާވިސް (މެޓް އޮފީސް) އިން ނެރެފައިވާ ރީނދޫ އެލާޓް ގައި ބުނެފައިވަނީ މިއަދުގެ ހެނދުނު 10:45 އިން ފެށިގެން މެންދުރު ފަހު 2:30 އާ ހަމައަށް ށ އަތޮޅުން ފެށިގެން ވ އަތޮޅާއި ދެމެދުގެ ސަރަހައްދަށް ގުގުރުމާއެކު ބޯކޮށް ވާރޭވެހި، ވިލާގަނޑުގައި ގަޑިއަކު 40 މޭލަށް ވައި ގަދަވާނެކަމަށް ލަފާކުރެވޭ ކަމަށެވެ.
މީގެ އިތުރުން މޫސުމާ ބެހޭ ގައުމީ އިދާރާ އިން ވަނީ މިއަދުގެ 14:30 އާއި ހަމައަށް ލ އަތޮޅުން ފެށިގެން އައްޑޫ އަތޮޅާ ހަމައަށް މޫސުމް ގޯސްވާނެކަމަށް ލަފާކޮށް ވައިޓް އެލާޓް ވެސް ނެރެފައެވެ.
