ގެމަނަފުށި މަގުތަކުގައި ތާރު އެޅުމުގެ މަސައްކަތް ބަޔަކާ ހަވާލުކޮށްފި

ގއ. ގެމަނަފުށި މަގުތަކުގައި ތާރު އެޅުމުގެ މަސައްކަތް ސަރުކާރުން ބަޔަކާ ހަވާލުކޮށްފިއެވެ. މި މަސައްކަތް ޕްލޭނިން މިނިސްޓްރީން މިއަދު ހަވާލުކުރީ ރޯޑް ޑިވެލޮޕްމަންޓް ކޯރޕަރޭޝަން ކިޔާ ކުންފުންޏަކާއެވެ. އެ މަސައްކަތުގެ އެއްބަސްވުުގައި ޕްލޭނިން މިނިސްޓްރީގެ ފަރާތުން ސޮއި ކުރެއްވީ، އެ މިނިސްޓްރީގެ ޕާމިނެންޓް ސެކެއްޓްރީ ޒީނިޔާ އަހުމަދުއެވެ. މި އެއްބަސް ވުމުގައި ސޮއި ކުރީ އެކަމަށްޓަކައި ޕްލޭނިން މިނިސްޓްރީގައި ބޭއްވި ރަސްމިއްޔާތެއްގައެވެ. މި ރަސްމިއްޔާތުގައި ގެމަނަފުށި ދާއިރާގެ މަޖިލިސް މެންބަރު އަހުމަދު ސައީދު ވެސް ބައިވެރިވެވަޑައިގެންނެވިއެވެ. ޕްލޭނިން މިނިސްޓްރީން މި މަސައްކަތް އެ ކޯޕަރޭޝަންއާއި ހަވާލު ކޮށްފައިވަނީ 76 މިލިއަން ރުފިޔާގެ އަގަށް 540 ދުވަހުގެ ތެރޭ ނިންމާ ގޮތަށް ކަނޑައަޅާފައެވެ. https://twitter.com/MoNPHImv/status/1671827777681772545 ރާއްޖޭގެ ރަށްރަށުގެ މަގުތަކަށް ދިމާވެފައި ވާ މައްސަލަތަށް ހައްލު ކުރުމަށް ސަރުކާރުން ދަނީ ގިނަ މަސައްކަތް ކުރަމުން ނެވެ.